Maratha Reservation : अर्धापुरात सलग दुसऱ्या दिवशी आरक्षणाच्या मागणीसाठी जलभरो आंदोलन

अर्धापूर : तालुक्यातील विविध गावांमध्ये सकल मराठा समाजाच्या वतीने मराठा समाजाला तातडीने ओबीसी संवर्गातून आरक्षण देण्याच्या मागणीसाठी आंदोलन करण्यात येत आहे.मालेगाव परिसरातील शेकडो नागरिकांनी स्वतःला अटक करून घेतले.पोलीस ठाण्याच्या परिस घोषणांनी दुमदुमून गेला.या आंदोलनात महिलांचा सहभाग खूप मोठा होता.

अर्धापूर तालुक्यातील शेलगाव, पिंपळगाव, गणपूर,येळेगाव, मालेगाव,शाहपूर, कोंढा, आदी गावांतील तरुणांनी मराठा समाजाला तातडीने ओबीसी संवर्गातून आरक्षण मिळावे यासाठी उपोषणाला सुरुवात केली आहे.पार्डी येथे कॅडल मार्च काढुन आरक्षणाची मागणी केली.

पोलिस ठाण्यात येऊन नागरिक, महिला आबालवृद्धांनी ठिय्या आंदोलन केले.पोलीस ठाणे परिसरात एक मराठा लाख मराठा,जय जिजाऊ जय शिवराय, आरक्षण आमच्या हाक्काचे, अटक करा अटक करा आम्हाला अटक करा अशा घोषणांनी परिसर दणाणून गेला होता.

सकल मराठा समाजाच्या वतीने तहसीलदार उज्वला पांगरकर यांना मागण्यांचे निवेदन देण्यात आले. पंचायत समिती कार्यालय परिसरात घोषणाबाजी करण्यात आली.

शेलगाव येथे आतम राजेगोरे, ऋषीकेश राजेगोरे मालेगावात प्रल्हाद इंगोले, ईश्वर पाटील इंगोले, प्रमोद इंगोले , सावरगाव अंजनाबाई आबादार,माधव जाधव, गोविंद आबादार,श्रीधर आंबोरे, कोंढ्यात कपील कोंढेकर, गजानन लबडे, आदी गावांतील तरुणांनी उपोषणाला सुरुवात केली आहे.