Nanded Zilla Parishad: नांदेड झेडपीने मंजूर केला २३.२६ कोटींचा अर्थसंकल्प; ग्रामीण विकासाला गती

नांदेड: जिल्हा परिषदेचा वर्ष २०२६-२७ या वर्षाचा मूळ तसेच वर्ष २०२५-२६ चा सुधारित असा एकूण २३ कोटी २६ लाख रुपयांच्या अंदाजपत्रकास मंगळवारी (ता.१७) मंजुरी देण्यात आली. जिल्हा परिषदेच्या स्वतःच्या उत्पन्नातून तयार करण्यात आलेल्या या अंदाजपत्रकास मुख्य कार्यकारी अधिकारी तथा प्रशासक मेघना कावली यांनी मान्यता दिली. यशवंतराव चव्हाण सभागृहात झालेल्या बैठकीत विविध विभागांच्या योजनांवर चर्चा करून अंदाजपत्रकाला अंतिम स्वरूप देण्यात आले.