नांदेडची कोरोनामुक्तीकडे वाटचाल, २५ अहवाल पॉझिटिव्ह; एकाचा मृत्यू 

नांदेड -जिल्ह्यात बुधवारी (ता. दहा) प्राप्त झालेल्या अहवालात २५ जणांचे अहवाल पॉझिटिव्ह आले. दिवसभरात २६ रुग्ण कोरोनामुक्त झाले तर उपचारादरम्यान एका बाधिताचा मृत्यू झाला आहे. मात्र, असे असले तरी सद्यस्थितीत जिल्हाभरात २३७ कोरोनाबाधित रुग्णसंख्या असल्याने जिल्ह्याची कोरोनामुक्तीकडे वाटचाल सुरु असल्याचे दिसून येते. 

मंगळवारी (ता. नऊ) तपासणीसाठी घेण्यात आलेल्या स्वॅबपैकी बुधवारी (ता. दहा) ६१६ अहवाल प्राप्त झाले. यामधील ५८५ निगेटिव्ह तर २५ जणांचे अहवाल पॉझिटिव्ह आले आहेत. जिल्ह्यातील एकुण कोरोनाबाधित रुग्णांची संख्या २२ हजार ७२५ इतकी झाली आहे. विष्णुपुरी येथील डॉ. शंकरराव चव्हाण शासकीय रुग्णालयात उपचार सुरु असलेल्या देगलूर येथील पुरुष (वय २२) या तरुणाचा उपचारादरम्यान मृत्यू झाला आहे. आतापर्यंत ५९० कोरोना बाधितव्यक्तींचा उपचारादरम्यान मृत्यू झाला आहे. 

हेही वाचा- नांदेड: प्रेमात अडथळा ठरणाऱ्याचा खून करणाऱ्या महिलेसह दोघांना जन्मठेप

बरे होण्याचे प्रमाण ९५.४४ टक्के 

बुधवारी श्री गुरु गोविंदसिंघजी स्‍मारक जिल्हा शासकीय रुग्णालय - दोन, महापालिकातंर्गत गृहविलगीकरण कक्षातील - १७, देगलूर - एक, हदगाव - एक व खासगी रुग्णालयातील पाच असे २६ रुग्ण कोरोनामुक्त झाल्याने त्यांना घरी सोडण्यात आले. आजपर्यंत २१ हजार ६९० कोरोना बाधित रुग्ण बरे होऊन घरी परतले आहेत. बुधवारी नांदेड महापालीका क्षेत्रातील २०, देगलूर - एक, कंधार - तीन व माहूर - एक असे २५ जणांचे अहवाल पॉझिटिव्ह आले आहेत. सध्या २३७ बाधितावर उपचार सुरु आहेत. त्यापैकी सात पॉझिटिव्ह रुग्णांची प्रकृती गंभीर स्वरुपाची आहे. जिल्ह्यातील कोरोना बाधित रुग्ण बरे होण्याचे प्रमाण ९५.४४ टक्के इतकी आहे. बुधवारी रात्री उशिरापर्यंत ३९५ स्वॅबची चाचणी सुरु होती. 

हेही वाचा- नांदेड : सात फेऱ्या घेण्याअगोदर गळ्यात पडली सरपंच पदाची माळ; आरळी येथील उच्चशिक्षित सरपंच तरुणीचा सोमवारी लग्न सोहळा

नांदेड कोरोना मीटर 

एकुण पॉझिटिव्ह - २२ हजार ७२५ 
एकुण बरे - २१ हजार ६९० 
एकुण मृत्यू - ५९० 
बुधवारी पॉझिटिव्ह - २५ 
बुधवारी बरे - २६ 
बुधवारी मृत्यू - एक 
उपचार सुरु - २३७