या संचारबंदीच्या काळात अभिनेते शरद भुताडिया करत तरी काय आहेत...? चला जाणुन घेवू.... 

days of curfew actress sharad bhutadiya kolhapur
days of curfew actress sharad bhutadiya kolhapur

शरद भुताडिया सरांचा डॉक्टरी पेशा. बेमिसाल अभिनयाने प्रेक्षकांना खिळवून ठेवण्याची त्यांच्या अभिनयाची ताकद. रंगमंचावर ‌त्यांचा वावरही सहज असतो. सावित्रीबाई फुले रुग्णालयात रुग्णसेवा सांभाळत त्यांनी रंगमंच गाजवले. शाहू नाक्यावरील वैभव ‌को-आॅपरेटिव्हमध्ये त्यांचा ‌ठिय्या. मोबाईलवर त्यांच्याशी ओळख सांगून दिनक्रमाची विचारणा केली. 

'मी‌ हल्ली सकाळी लवकर उठत नाही. सूर्यनारायण उठल्यावर उठतो,' त्यांच सरळ उत्तर. भुताडिया ‌सर उठल्यावर बागकामात लक्ष घालतात. झाडांना पाणी घालणे, पालापाचोळा साफ करणे, वाढलेल्या फांद्या चाटणे हे ‌त्यांच्या‌ आवडीचं काम. मुलगा सनत ‌मुंबईत राहतो. प्रोडक्शन इंजिनिअरच्या ‌कामात तो गुंतलाय
कोल्हापुरात भुताडिया सर व त्यांची पत्नी उज्ज्वला राहतात. सरांची त्र्याण्णववर्षीय आई बिनखांबी गणेश मंदिर परिसरात राहते. तिची रोज सकाळी त्यांची भेट चुकत नाही. 

कोरोनामुळे दिनक्रमातलं हे पेज रिकाम राहतयं. मोबाइलद्वारे संपर्क मात्र तुटलेला नाही.‌ बागकाम उरकल्यावर त्यांची किचनमध्ये ‌रेलचेल सुरू होते.  पत्नीला नाश्तासह ‌जेवणाच्या‌ तयारीसाठी त्यांच वर्क सुरू होतं. नाश्त्यानंतर सर पुस्तकात डोकं घालतात. रशियन लेखक स्टॅनिलाव्हस्कीच्या 'रिअलिस्टिक अॅक्टिंग' पुस्तकाच्या मराठी अनुवादाच काम त्यांनी हाती घेतलंय. मराठी‌ अभिनय सृष्टीत पुस्तक महत्त्वाचे ठरेल, यावर त्यांचा विश्वास आहे. डॉ. पी. एम. चौगुले लिखित. मानसिक समुपदेशन' पुस्तकाचे ते वाचनात स्वत:ला गुंतवून घेतात. शेक्सपिअरच्या 'दि टेंपेस्ट' नाटकाचे त्यांचे वाचन सुरू आहे. गो.‌पू. देशपांडे यांचे 'रास्ते' नाटक त्यांना वाचून संपवायच आहे. नोबेल पुरस्कार विजेते राॅबर्ट नॅश यांच्या जीवनावर आधारित 'ब्युटिफुल माइंड' चित्रपट त्यांना पाहायचा आहे. त्याची सीडी त्यांनी आणून ठेवली आहे. 

भुताडिया सरांना क्लासिक चित्रपटांशी लगाव आहे. आणखी काही चित्रपट त्यांना पाहायचे आहेत. दुपारचे दोन व वामकुक्षीनंतर त्यांच्या घराच्या परिसरात येरझाऱ्या ठरलेल्या आहेत. पाय ‌मोकळे करण्याने उत्साह वाढतो, असं त्यांचं म्हणणं. सायंकाळच्या सत्रातलं वाचनात आजही खंड पडलेला नाही. कामानिमित्त परगावी असेल तरच त्याला ब्रेक मिळतो. आता मात्र तसे घडत नाही. कोणता प्रोजेक्ट हाती नसल्याने पत्नीला अधिकाधिक मदत ‌करण्याकडे कल असल्याचे ते सांगतात. रात्रीच्या जेवणाच्या तयारीकरिता पुन्हा पत्नीला मदत करतात. जेवणानंतर पुस्तकांतील पानांवर नजर भिरभिरल्याशिवाय त्यांना झोप येत नाही. 'दिवसभराचे वेळापत्रक तयार असल्याने कंटाळा येत नाही. कोणतंही काम आवडीनं व झोकून देऊन केलं की ऊर्जा मिळते. कोरोनामुळे प्रत्येकाला कुटुंबियांशी संवाद साधायला वेळ मिळाला आहे. त्याचा ‌वापर‌ करताना माइंड क्रिएटिव्ह ठेवणं महत्त्वाचं असल्याचं सांगायला ते विसरत नाहीत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com