राधानगरीतील तीन शेतकऱ्यांना ४१ लाखांचा दंड

Action in bauxite excavation case Three farmers fined Rs 41 lakh
Action in bauxite excavation case Three farmers fined Rs 41 lakh

राशिवडे बुद्रुक (कोल्हापूर) : राधानगरी तालुक्‍यात अवैधपणे सुरू असलेल्या बॉक्‍साईट उत्खननप्रकरणी तीन शेतकऱ्यांना सुमारे ४० लाख ९१ हजार रुपये दंडाची कारवाई राधानगरी तहसीलदारांनी केली आहे. यात तळगाव परिसरातील शेतकऱ्यांचा समावेश आहे. याबाबत ‘सकाळ’ने आवाज उठवला होता.प्रशासनाने गेल्या पंधरा दिवसांत याप्रकरणी कारवाई सुरूच ठेवली आहे.

राधानगरी अभयारण्याच्या मध्यभागी असलेल्या मिसाळवाडी (जुने करंजे) येथील उत्खनन प्रकरणी वन्यजीव विभागाने ट्रक, पोकलॅंड आणि दोन ट्रॅक्‍टर ताब्यात घेतले आहेत. त्यानंतर महसूल विभागाने दंडाची कारवाई केली. मिसाळवाडी (जुने करंजे) येथे १०० टन बॉक्‍साईटचा साठा सापडला होता. शेतकरी वसंत रामचंद्र राऊत व रोहन शिर्के यांना आठ लाख नऊ हजार ५०० रुपयांचा दंड केला आहे. तळगाव क्षेत्रातील सदाशिव पांडुरंग गिरीगोसावी यांना ३० लाख २३ हजार २०९ रुपये दंड केला. या खणीवर ७७३ टन बॉक्‍साईट सापडले. 


चाफेवाडी -धुमाळवाडी परिसरात सुभाष हातकर यांच्या शेतात उत्खनन सुरू होते. तेथे ३२ टन बॉक्‍साईट आढळले. हातकर यांना दोन लाख ५९ हजारांचा दंड केला आहे. या सर्वांना नोटिसा बजावल्याचे तहसीलदार मीना निंबाळकर यांनी सांगितले. दुसरीकडे वन्यजीव विभागाने मिसाळवाडी येथील उत्खनन प्रकरण न्यायप्रविष्ट करण्याची प्रक्रिया सुरू ठेवली असून, त्यानंतर याबाबत पुढील दिशा ठरणार असल्याची माहिती वनक्षेत्रपाल नवनाथ कांबळे यांनी दिली.

निसर्गप्रेमींकडून स्वागत
अभयारण्य आणि त्याच्या बाजूला असलेल्या संवेदन क्षेत्रांत चोरून बॉक्‍साईटचे उत्खनन सुरू असल्याचे वृत्त ‘सकाळ’ने दिले होते. यामुळे या परिसरातील ध्वनी, पाणी प्रदूषण होत असल्यावरही प्रकाशझोत टाकला होता. त्यानंतर ही कारवाई झाली आहे. याचे निसर्गप्रेमींकडून स्वागत होत आहे.

संपादन- अर्चना बनगे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com