कोल्हापूर जिल्हाधिकारी कार्यालयासमोर भाजपचे रास्ता रोको

कोल्हापूर : एम.पी.एस.सी मार्फत घेण्यात येणाऱ्या राज्यसेवा पुर्व परीक्षा अचानक पुढे ढकलल्याने आणि वाढीव वीज बिल देत नागरिकांचे कनेक्शन पुन्हा तोडण्याच्या निर्णयाच्या निषेधार्थ कोल्हापूर भारतीय जनता पार्टीच्या वतीने आज कोल्हापूर जिल्हाधिकारी कार्यालयासमोर रस्ता रोको करण्यात आला. भाजपाकडून यावेळी महाविकास आघाडीचा निषेध करण्यात आला.

यावेळी भाजपा जिल्हाध्यक्ष राहूल चिकोडे म्हणाले, सरकारमध्ये एकवाच्याता नाही. मुख्यमंत्र्यांचा अधिकाऱ्यांवर वचक नाही. परीक्षा लांबणीवर टाकायची होती तर अधिवेशनात निर्णय का घेतला नाही. सरकार विद्यार्थ्यांचे भविष्य अंधारात लोटण्याचं काम सरकार करत आहे. मुख्यमंत्री घरातूनच कारभार हाकत आहेत. महाविकास आघाडी सरकारच्या निर्णयशून्य कारभारामुळे जनतेचे हाल होत आहेत, अशी टीका यावेळी ठाकरे सरकारवर करण्यात आली.

हेही वाचा - पालनकर्त्याच्या दफनानंतर दीड महिना तो तिथेच घुटमळतोय; श्वानाच्या प्रेमाची अनोखी कहाणी -

जिल्हा भाजपा सरचिटणीस विजय जाधव म्हणाले, हॉटेल, मद्यालये सर्व सुरु असताना परीक्षेच्या वेळीच कोरोना कसा काय वाढतो? या लबाड सरकारचे डोक ठिकाणावर नाही. यावेळी भाजपा महिला आघाडी, युवा मोर्चाचे आदी कार्यकर्ते उपस्थित होते.

संपादन - स्नेहल कदम