टेरेसवर खेळत असताना मुलासोबत घडली दुर्देवी घटना 

युवराज पाटील
रविवार, 2 ऑगस्ट 2020

यश पुंडलीक बिर्जे (वय-१३, रा. यादववाडी) असे या दुर्देवी विद्यार्थ्याचे नाव आहे.

शिरोली पुलाची(कोल्हापूर) : घराच्या टेरसवर खेळत असताना लोखंडी सळीचा विद्युत वाहिनीला स्पर्श होवून बसलेल्या विजेच्या धक्क्यात सातवीच्या विद्यार्थ्याचा मृत्यू झाला. यश पुंडलीक बिर्जे (वय-१३, रा. यादववाडी) असे या दुर्देवी विद्यार्थ्याचे नाव आहे. रविवारी सकाळी घटना घडली. 

याबाबत माहिती अशी, यश हा आपल्या मित्रा सोबत घराच्या टेरसवर खेळत होता. त्याच्या हातात लोखंडी सळी होती. त्या सळीचा स्पर्श विद्युत वाहिनीला झाला. त्यामुळे यशला शॉक बसला. त्यामुळे त्याचा जागीच मृत्यू झाला. या घराचे बांधकाम अंतीम टप्प्यात असून, गुरुवारी (ता. ६) वास्तुशांती होती ; मात्र त्यापूर्वीच घरावर मुलाचा अपघाती मृत्यू झाल्याने हळहळ व्यक्त होत आहे. तो कौतुक विद्यालयात सातवीत शिकत होता. वडील मेकॅनिकलचे काम करतात. त्यांना एक मुलगा व एक मुलगी आहे. यश हा एकूलता एक मुलगा अकस्मित मयत झाल्यामुळे परिसरात हळहळ व्यक्त होत आहे.

हे पण वाचा कोल्हापूरच्या उपनगरांतील गुन्हेगारीला आता बसणार आळा

संपादन - धनाजी सुर्वे 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: boy dies due electric shock incident turbhe in kolhapur