अल्पवयीन मुलीवर पळवून नेऊन आत्याचार

कोडोली (कोल्हापूर)- अल्पवयीन मुलीस फूस लावून पळवून नेऊन तिच्यावर बलात्कार केल्याप्रकरणी अक्षय चंद्रकांत नांगरे (रा. आनंदनगर, कोडोली) यास पोलिसांनी अटक केली. तसेच मुलीला पळवून नेण्यास अक्षयला मदत केल्याप्रकरणी साहिल नांगरे व अमर साळवी (रा. कोडोली) यांच्यावर कोडोली पोलिसांत गुन्हा दाखल झाला आहे. 

कोडोली पोलिसांकडून मिळालेली माहिती अशी, आरळे (ता. पन्हाळा) येथे मामाच्या घरी अल्पवयीन मुलगी राहण्यास आली होती. अक्षय नांगरे याने 20 सप्टेंबरला अल्पवयीन मुलीस फूस लावून पळवून नेले. तसेच इस्लामपूर येथील लॉजवर, कोडोली येथील घरी अक्षय नांगरे याने तिच्यावर बलात्कार केला.

हे पण वाचा - अध्यापन प्रक्रिया अहवाल ऑनलाईन करण्यास विरोध ; आदेश रद्द न केल्यास बहिष्कार

 याप्रकरणी अक्षय नांगरे यास अटक केली आहे. भाचीस पळवून नेण्यास मदत केल्याप्रकरणी मामा सागर बुधाजी महापूरे (आरळे, ता. पन्हाळा) यांच्या फिर्यादीवरून साहिल नांगरे व अमर साळवी यांच्यावर गुन्हा दाखल झाला आहे. अक्षय नांगरे यास पन्हाळा न्यायालयाने 8 ऑक्‍टोबरपर्यंत पोलिस कोठडी दिली. सहाय्यक पोलिस निरीक्षक निरीक्षक सुरज बनसोडे, हावलदार चिले, नाईक सुतार तपास करीत आहेत. 

  
संपादन - धनाजी सुर्वे