कोल्हापुरात विजेच्या कडकडासह जोरदार पाऊस

कोल्हापूर : पुणे वेध शाळेने दिलेल्या अंदाजाप्रमाणे शहरासह जिल्ह्यात दुपारी जोरदार पाऊस सुरू झाला आहे. अचानक सुरु मेघगर्जनेसह सुरू झालेल्या पावसामुळे जनजीवन विस्कळीत झाले आहे. महाद्वार रोडवरील फेरीवाल्यांना पळता भुई थोडी झाली. अनेकांनी गाड्यांवर चटई प्लास्टिकचे कागद झाकले. 
अचानक सुरू झालेल्या पावसामुळे महाद्वार रोडवर एकही ग्राहक दिसत नव्हता. 

हेही वाचा - प्रकाश आंबेडकरांचे वक्तव्य छत्रपती घराण्याच्या व  बहुजनांच्या भावना दुखावणारे

कोल्हापूर शहर जिल्ह्यांमध्ये आज पासून चार दिवस मुसळधार पाऊस पडण्याचा अंदाज पुणे वेधशाळेने वर्तविला आहे. त्यानुसार आज दुपारी चारच्या सुमारास शहरात विजांच्या कडकडाटासह जोरदार पाऊस सुरू झाला. या पावसामुळे वाहनधारकांची आणि ग्राहकांची धांदल उडाली. ऑक्टोबर महिन्यात उन्हाळा प्रचंड असल्याने उन्हापासून संरक्षण करण्यासाठी डोळ्यावर गॉगल आणि डोक्यावर टोपी घातलेले चित्र दिवसभरात दिसत होते. मात्र दुपारी चार वाजता आलेल्या पावसाच्या  जोरदार सरींसह  विजांच्या कडकडाटामुळे दैनंदिन जीवन विस्कळीत झाले. अनेक वाहनधारक आणि ग्राहकांना मिळेल त्या ठिकाणी आसरा घेऊन पावसापासून संरक्षण करावे लागले. 

हेही वाचा - आयुक्त साहेब परत या! डॉ. मल्लिनाथ कलशेट्टी यांच्या बदली विरोधात निदर्शने 

आज शनिवार असल्याने महाद्वार रोडवर ग्राहकांची गर्दी होती. मात्र दुपारी चारच्या सुमारास झालेल्या जोरदार पावसाने फेरीवाल्यांसह ग्राहकांमध्ये गडबड उडाली. फेरीवाल्यांच्या गाडीवर असलेले साहित्यही त्यांना सुरक्षित ठेवण्यासाठी वेळ मिळाला नाही. त्यामुळे अनेकांनी गाड्यावर तत्ती प्लास्टिक कागद छत्र्या ठेवून पावसापासून साहित्याचा बचाव केला. विजांचा कडकडाट होत असल्यामुळे दहा पंधरा मिनिटातच महाद्वार शांत शांत झाला. पाहता पाहता महाद्वार वर एकही ग्राहक दिसत नव्हता.

संपादन - स्नेहल कदम