इचलकरंजीत नवी नियमावली;  दुकानांसाठी सम -विषम तारखेचा पर्याय

इचलकरंजी - लॉकडाऊन शिथील केल्यानंतर शासनाच्या निर्देशाकडे दुर्लक्ष करीत शहरातील बहुतांशी दुकाने सुरु करण्यात आली आहेत. त्यामुळे शहरातील रस्त्यावर नागरिकांची मोठी गर्दी होत आहे. यातून कोरोनाचा संसर्ग वाढण्याचा धोका निर्माण झाला आहे. या पार्श्‍वभूमीवर पालिकेने दुकाने सुरु ठेवण्यासाठी नवी नियमावली जाहीर केली आहे. यामध्ये कोणती दुकाने सुरु ठेवायची व कोणती बंद ठेवायची, याचे स्पष्टीकरण दिले आहे. तर संभाव्य गर्दी टाळण्यासाठी दुकाने सुरु करण्यासाठी सम-विषम तारखेचा पर्याय पालिका प्रशासनाने जाहीर केला आहे.

सम - विषय तारखेचा पर्याय असा
सम तारखेला पश्‍चीम व उत्तर दिशेला तोंड असलेली दुकाने सुरु ठेवता येणार आहेत. तर विषम तारखेला पूर्वेकडे व दक्षिणेकडे तोंड असलेली दुकाने सुरु ठेवता येणार आहेत. या ठिकाणी मास्क वापरणे, सोशल डिस्टन्सींगचा वापर करणे, पाच पेक्षा जास्त लोकांची गर्दी होवू न देणे, दुकान निर्जंतुकीकरण करणे, लहान मुले व वृध्दांना दुकानात येवू न देणे, अशा अटी घालण्यात आल्या आहेत.

हे पण वाचा - देवेंद्र फडणवीस यांना कोल्हापुरात प्रवेश बंद... 

पालिकेचे स्पष्टीकरण

शासन निर्णयानुसार एकाकी दुकाने, रहिवाशी भागातील व रहिवाशी संकुलातील दुकाने सुरु ठेवता येणार आहेत. पण मॉल, व्यापारी संकुलातील सर्व दुकाने सुरु करता येणार नाहीत, असे स्पष्टीकरण पालिकेने दिले आहे.

हे पण वाचा - अन्यथा कोल्हापुरात पाय ठेवू देणार नाही शिवसेनेचा फडणवीस यांना इशारा... 

“पालिकेने केलेल्या सूचनांचे पालन न केल्यास संबंधित दुकान मालकांवर व नियमांचे उल्लंघन केलेल्या व्यक्तीवर फौजदारी गुन्हा दाखल करण्यात येणार आहे. तसेच संबंधित दुकान सीलबंद केले जाणार आहे.

-दीपक पाटील, मुख्याधिकारी

कोल्हापुरातील घटना घडामोड जाणून घेण्यासाठी येथे क्लिक करा