कोल्हापूर - कोरोनाच्या पार्श्वभूमीवर यंदाची एव्हरेस्ट मोहिमेसह नेपाळमधून होणाऱ्या इतर मोहिमाही रद्द झाल्या आहेत. गेली काही दिवस या मोहिमा "स्टॅंडबाय मोड'वर होत्या. मात्र, आता आठ ते पंधरा दिवसांत मोहिमांना प्रारंभ होणार असतानाच मोहिमा रद्द होत असल्याचे स्पष्ट झाले आहे. पुण्यातील गिरीप्रेमी संस्थेचे उमेश झिरपे यांनी याबाबत आज दुजोरा दिला.
दरम्यान, येथील कस्तुरी सावेकर 31 मार्चला मोहिमेसाठी रवाना होईल, असे नियोजन होते. मात्र, मोहिमेबाबत अधिकृत मेल किंवा कुठलाही संदेश अजूनही तिला प्राप्त झालेला नाही. मात्र, एकूण परिस्थिती पहाता तिलाही आता पुढील वर्षीच ही मोहिम करावी लागणार आहे.
जगातील सर्वात उंच असणारे माऊंट एव्हरेस्ट शिखर 29 हजार फूटांहून अधिक उंचीचे आहे. एकूण सत्तर दिवसांची ही मोहिम असते. नेपाळच्या बाजूने जाणारे मोहिमवीर साधारणपणे मेमध्ये एव्हरेस्टच्या पायथ्याला पोचतात आणि चढाईला प्रारंभ करतात. जगभरातून प्रत्येक वर्षी पाचशे ते सहाशे मोहिमवीर या मोहिमेसाठी येत असतात. यंदा चीनने आपल्या बाजूने माऊंट एव्हरेस्टवर चढाईसाठी बंदी घातल्यानंतर नेपाळनेही आपल्या बाजूने चढाईसाठी बंदी घातली आहे. गेल्या वर्षी 885 गिर्यारोहकांनी या मोहिमेत सहभाग घेतला होता. गिर्यारोहना दरम्यान 11 जणांचा मृत्यू झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
