सोन्याच्या दरात कमालीची घसरण जाणून घ्या कोल्हापूरातील दर...

कोल्हापूर : कोरोनाच्या दहशतीचा फटका सराफ व्यापारालादेखील बसला असून सोन्याच्या भावात होणारी घसरण आज सुरूच राहिली. मल्टी कमॉडिटी एक्‍स्चेंजमध्ये आज सोन्याचा भाव ७०० रुपयांनी कमी झाला. तो ४१ हजार ९०० रुपयांपर्यंत खाली आला; तर चांदी एक हजार रुपयांनी स्वस्त झाली. 

गुंतवणूकदारांसाठी संधी

चांदीचा भाव प्रतिकिलो ४३ हजार १७९ रुपये झाला. गुरुवारी सोन्याच्या दरात ११०० रुपयांची घसरण झाली होती. चांदी १६०० रुपयांनी स्वस्त झाली होती. कोरोनाच्या भीतीमुळे आर्थिक अनिश्‍चिततेच्या पार्श्वभूमीवर सराफ बाजारात साठेबाजांनी सोन्याची जोरदार विक्री केली. ज्यामुळे या धातूंचे भाव गडगडले. सोमवारी सोने १७०० डॉलरवर गेले होते.

हेही वाचा- चेष्टा सहन न झाल्याने केला खून..अन -

जगभरात कोरोनाने घातलेल्या धुमाकुळामुळे सर्वच देशांत जाणवत आहेत. शेअर बाजारातील घसरण आणि सोन्याच्या किमतीत झालेली घट ही गुंतवणूकदारांसाठी संधी असल्याचे व्यापाऱ्यांनी सांगितले.

हेही वाचा- अन् चुडतीच्या प्रकाशात नवरा पोहोचला लग्न मंडपी... ​
शेअर बाजारावर परिणाम

कोरोनाच्या धास्तीमुळे गरज असल्याशिवाय खरेदी होत नाही आहे. गुंतवणूक कमी झाली आहे. या सर्व गोष्टींचा फटका व्यापाराला बसत असून शिवाय शेअर बाजारातील घसरणीचादेखील परिणाम दरावर झालेला आहे.
- अमोल ढणाल, अध्यक्ष कोल्हापूर जिल्हा सराफ आणि सुवर्णकारसंघ