कोल्हापुरात फुटबॉलपटू दिएगो मॅराडोनाचे स्मारक उभारणार

 कोल्हापूर : कोरोना महामारीमुळे कोल्हापुरातल्या फुटबॉल क्षेत्रात निरुत्साह संचारला आहे. या शिथिलतेची जागा उत्साहाने घ्यावी व फुटबॉल खेळाने उभारी घ्यावी यासाठी श्रीमंत शाहू छत्रपती महाराज यांच्या जन्मदिनाचे औचित्य साधून सॉकर अमॅच्युअर इन्स्टिट्यूट (साई) व फुटबॉल महासंग्राम यांच्यातर्फे कोल्हापुरात फुटबॉलपटू दिएगो मॅराडोना यांचे स्मारक, सॉकर थीम पार्क उभारने तसेच 8 ते 14 वर्षाखालील मुले व मुली यांच्यासाठी प्रोफेशनल ट्रेनिंग अॅकॅडमी सुरु करणार असल्याची माहिती सॉकर अमॅच्युअर इन्स्टिट्यूटचे सतिश सुर्यवंशी यांनी दिली.

ते म्हणाले, फुटबॉल प्रेमींच्या हृदयावर राज्य करणाऱ्या मॅराडोनाच्या खेळाप्रती कृतज्ञता व्यक्त करण्यासाठी आणि स्थानिक खेळाडूंना प्रेरणा मिळावी यासाठी मॅराडोनाचे स्मारक कोल्हापूरात उभारण्यात येणार आहे. कोलकत्यानंतर कोल्हापूरातच असे स्मारक उभारण्यात येणार आहे. यासाठी कोल्हापूर महानगरपालिकडे आयलंडची मागणी केली गेली आहे. कोल्हापुरची भविष्यात 'सॉकर सिटी' म्हणून ओळख निर्माण होणार आहे. तसेच सॉकर थीम पार्कची उभारणी करुन विविध खेळाडूंचे शिल्प या बागेत ठेवली जाणार आहेत. तसेच या पार्क मधील संग्रहालय निर्मिती करुन फुटबॉल खेळाडूची चित्ररुपी मांडणी केलेली जाणार आहे.

हे पण वाचा - जुन्या मित्राला धडा शिकवण्यासाठी चंद्रकांत पाटलांची खेळी;  स्वतःच्या गावात ग्रामपंचायतसाठी भाजप-काँग्रेस-राष्ट्रवादी काँग्रेसची आघाडी 

8 ते 14 वर्षाखालील मुला मुलींना फुटबॉलचे तंत्रशुध्द प्रशिक्षण ॲकॅडमीची ऊभारणी केली जाणार आहे. देशातील तसेच कोल्हापुरातील प्रशिक्षक तसेच नामवंत खेळाडू या मुलांना प्रशिक्षण देणार आहेत. यावेळी संताजी भोसले, प्रशांत पोवार, योगेश घोरपडे उपस्थित होते. 

संपादन - धनाजी सुर्वे