बेळगाव - वाघवडेत (ता. बेळगाव) रस्त्याकडेला रविवारी (ता. ९) सकाळी चार जुनाट गावठी पिस्तुले आढळल्याने एकच खळबळ उडाली. प्राथमिक तपासाअंती चारी पिस्तुले ५० ते ६० वर्षांपूर्वीची असल्याचे पोलिसांना आढळले आहे, तरीसुद्धा बेळगाव ग्रामीण पोलिसांनी ती पिस्तुले जप्त करून गुन्हा दाखल करून घेतला आहे. मात्र, मुख्य रस्त्यावर अनोळखींनी पिस्तुले आढळल्याने यामागचे गूढ उकलण्याचे आव्हान पोलिसांसमोर आहे.
गावठी बनावटीची
याबाबत पोलिसांकडून मिळालेली अधिक माहिती अशी, वाघवडे रस्त्याकडेला रविवारी सकाळी ९.३० च्या सुमारास काही जणांना चार गावठी पिस्तुले पडल्याचे दिसून आले. त्यामुळे, परिसरात एकच खळबळ उडाली. घटनास्थळी बघ्यांची मोठी गर्दी झाली होती. उपस्थितांनी शहानिशा करून याबाबतची माहिती पोलिसांना दिली. काही वेळानंतर बेळगाव ग्रामीण पोलिसांनी घटनास्थळी भेट देऊन पाहणी केली असता ती पिस्तुलेच असल्याचे स्पष्ट झाले. पंचनामा करुन चार पिस्तुले ताब्यात घेऊन पाहणी केली असता ती गावठी बनावटीची असल्याचे दिसून आले. वापराअभावी गंज लागल्याने कोणीतरी ती रस्त्याच्याकडेला फेकून दिली असावीत, असा संशय व्यक्‍त करण्यात येत आहे.
या प्रकरणी पोलिसांनी अज्ञातांविरोधात गुन्हा दाखल करुन घेतला आहे. प्राथमिक तपासणीनंतर चारी पिस्तुले अंदाजे ५० ते ६० वर्षापूर्वीची असावीत, असा अंदाज पोलिसांनी व्यक्‍त केला आहे. या प्रकारामुळे बेकायदा शस्त्रांचा मुद्दा ऐरणीवर आला आहे. मात्र, आता ही पिस्तुले कुणाची याचा शोध घेण्याचे आव्हान पोलिसांसमोर आहे. पोलिस निरीक्षक सुनीलकुमार नंदेश्‍वर पुढील तपास
करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.