सुटीदिवशीही घरबसल्या भरा  आता लाईट बिल ; करा याचा वापर

कोल्हापूर : चालू व थकीत बिलांचा भरणा करणे सोईचे व्हावे यासाठी कोल्हापूर व सांगली जिल्ह्यातील महावितरणची अधिकृत वीज बिल भरणा केंद्रे सार्वजनिक सुटीच्या दिवशी कार्यालयीन वेळेत सुरू ठेवण्यात येणार आहेत.

जिल्ह्यात ४ लाख ८६ हजार ८२७ ग्राहकांकडे १९३ कोटी ७६ लाख, सांगली जिल्ह्यात ३ लाख १ हजार ५५२ ग्राहकांकडे ९७ कोटी ५२ लाख रुपये थकबाकी आहे. त्यामुळे चालू व थकीत वीज बिलांचा भरणा करण्यासाठी वीज बिल भरणा केंद्रे शनिवारी (ता. २७) व रविवारी (ता. २८) आणि सोमवारी (ता. २९) कार्यालयीन वेळेत सुरू राहणार आहेत. तसेच लघुदाब वर्गवारीतील सर्व ग्राहकांना घरबसल्या महावितरणची www.mahadiscom.inही वेबसाईट, मोबाईल ॲप किंवा इतर ‘ऑनलाईन’ पर्यायांद्वारे बिलांचा भरणा करण्याची सोय उपलब्ध आहे. 

हेही वाचा- गोकुळच्या निवडणुकीत आबिटकरांसाठी आता फिल्डिंग ; सत्तारूढ गटाच्या हालचालीला सुरुवात