आता हद्द झाली ; कोरोना नियंत्रण समितीवरच आली क्वारंटाईन होण्याची वेळ

It was time for the Corona Control Committee to be quarantined in ichalkaranji
It was time for the Corona Control Committee to be quarantined in ichalkaranji

इचलकरंजी : शहरात कोरोनावर नियंत्रण ठेवण्यासाठी नेमलेल्या समितीलाच आता होमक्वारंटाईन होण्याची वेळ आली आहे. नुकत्याच झालेल्या एका बैठकीत उपस्थित असलेल्या एका लोकप्रतिनिधीला कोरोना संसर्ग झाला आहे. या बैठकीस उपस्थित असलेल्या पोलीस उपअधिक्षक, मुख्याधिकारी, नगराध्यक्षा यांच्यासह सर्वांनाच  होमक्वारंटाईन करण्याचा आदेश जिल्हाधिकाऱ्यांनी दिला आहे. यामुळे शहरात खळबळ माजली आहे.

शहरात कोरोनाचा संसर्ग मोठ्या प्रमाणात वाढत होता. त्यामुळे याबाबत निर्णय घेण्यासाठी तीन दिवसापूर्वी येथील जलतरण तलावात बैठक आयोजित करण्यात आली होती. या बैठकीस पोलीस उपअधीक्षक मुख्याधिकारी, नगराध्यक्ष, उपनगराध्यक्ष यांच्यासह नगरसेवक तसेच काही अधिकारी उपस्थित होते. यातील एका नगरसेवकास आज कोरोना संसर्ग झाल्याचे स्पष्ट झाले आहे. त्यामुळे या बैठकीत उपस्थित असलेल्या सर्वांनाच आता होमक्वारंटाईन करावे असा आदेश जिल्हाधिकारी यांनी दिला आहे.

दरम्यान, या नगरसेवकांच्या तीव्र संपर्कात आलेल्या अधिकारी आणि पदाधिकारी यांना तातडीने रुग्णालयात पाचारण करण्यात आले आहे. शहरावर नियंत्रण ठेवणाऱ्या कोरोना नियंत्रण समितीवरच आता होमक्वारंटाईन होण्याची वेळ आली आहे. त्यामुळे शहरात प्रचंड खळबळ माजली आहे. 

संपादन - धनाजी सुर्वे 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com