कसबा वाळवे (कोल्हापूर) : ऐन दिवाळीत दरवाजाचा कडी-कोयंडा तोडून झालेल्या घरफोडीत दोन लाख पंधरा हजार रोकडवर चोरट्यांनी डल्ला मारला. गुरुवारी रात्री येथे ही घटना घडली. याबाबत संदीप फराक्टे यांनी राधानगरी पोलिसांत फिर्याद दिली आहे.
याबाबत पोलिसांतून मिळालेली माहिती अशी,
येथील पिराचीवाडी मार्गावरील महावितरणच्या शेजारी संदीप फराक्टे यांचा बंगला आहे. फराक्टे यांचे गावात किराणा मालाचे दुकान आहे. घरातील सर्व मंडळी दिवाळीमुळे दुकानाकडे गेली असता चोरट्यांनी घराच्या दरवाजाचा कडीकोयंडा तोडून दुकानात विक्री होऊन आलेली २ लाख १५ हजार रोकड पळविली.
राधानगरी पोलिसांनी पंचनामा केला. ठसेतज्ज्ञांना पाचारण केले. तज्ज्ञांनी कडी-कोयंडा दरवाजा व कपाटाचे ठसे घेतले आहेत. श्वानपथक इमारतीच्या परिसरातच घुटमळले. घटनास्थळी पोलिस निरीक्षक उदय डुबल, पोलिस उपअधीक्षक अनिल कदम यांनी भेट दिली.
संपादन- अर्चना बनगे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.