सरवडे : काळम्मावाडी धरणाच्या उजव्या कालव्यात पाणी पिण्यासाठी उतरलेला गव्यांचा कळप पाण्याच्या प्रवाहाबरोबर वाहत गेला. कालव्याला प्लास्टर असल्याने गव्यांना वरती चढता येईना. त्यामुळे पाण्यातून सुमारे अर्धा किलोमीटर वाहत गेले. ही घटना सकाळी आठच्या सुमारास घडली.
आज सकाळी आठ –दहा गव्यांचा कळप उजव्या कालव्याच्या 17 किलोमीटरमध्ये पाणी पिण्यासाठी उतरला. कालव्यात साडेचारशे क्युसेस पाणी सोडले आहे. पाण्याला अधिक वेग असल्याने सरवडेच्या हद्दीत उतरलेले गवे सुमारे अर्धा किलोमीटर पाण्याच्या प्रवाहाबरोबर वाहत गेले. कालव्याला प्लास्टर असल्याने गव्यांना वर चढता येईना. पाण्याच्या प्रवाहाबरोबर ते वाहत उंदरवाडी व सरवडे दरम्यान अठराव्या किलोमीटर मध्ये कालव्यावर पूल बांधण्यासाठी सोडलेल्या जागेपर्यंत आले. त्याठिकाणी प्लास्टर नसल्याने गव्यांना वर चढण्यासाठी जागा मिळाली. त्याठिकाणाहून गवे वर चढून जंगलाकडे गेले. कालव्यावर फिरावयास गेलेल्या उंदरवाडीच्या तरुणांनी गवे वाहत जाताना पाहिले, त्यांना हुसकावून गवे वर निघण्याचा प्रयत्न केला. परंतु प्लास्टरमुळे गव्यांना वर चढता येत नव्हते.
व्हिडिओ पाहा -
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.