संभ्रमावस्था : कोल्हापूरात काही दुकाने बंद आणि काही दुकाने सुरू..

कोल्हापूर : चाळीस दिवसाच्या कडक संचार बंदीनंतर आजपासून या संचार बंदी मध्ये शीतीलता निर्माण केली आहे. तरीदेखील काही दुकाने बंद आणि काही दुकाने सुरू असे चित्र शहरात निर्माण झाले आहे. व्यापारी संकुले अथवा व्यापारी पेठांमध्ये एकाच वेळेस पाचपेक्षा अधिक दुकाने उघडता येणार नाहीत अशी जाचक आठ घातल्याचा फटका व्यापाऱ्यांना बसला आहे. त्यामुळे चाळीस दिवसाच्या संचारबंदी नंतर आज देखील अनेक दुकाने बंद राहिली.

हेही वाचा- बेळगावात मद्यप्रेमींकडून चक्क दारू दुकानाची पूजा, दुकानांसमोर पहाटे पासूनच गर्दी..

शहरातील चर्मकार लाईन, शिवाजी रोड, बिंदू चौक, लक्ष्मीपुरी, व्यापारी पेठ, शाहूपुरी,  येथील अनेक दुकाने बंदच राहिली. दुपारी जिल्हाधिकारी दौलत देसाई यांच्यासोबत व्यापाऱ्यांची बैठक झाल्यानंतर दुकाने सुरू ठेवण्याबाबत  निर्णय होण्याची शक्यता आहे. दरम्यान मद्य विक्रीच्या दुकाना बाबतही संभ्रमावस्था होती. मद्य विक्रीच्या दुकानासमोर नागरिक दुकाने केव्हा उघडणार याच्या प्रतीक्षेत रांगा लावून उभे होते परंतु बारा वाजले तरी दुकाने उघडली नसल्याने याविषयी काहीकाळ संभ्रमावस्था निर्माण  झाली.

 शहरातील सलून दुकाने मात्र सुरू झाली आहेत. हार्डवेअर, पेंटिंग ,कलर  दुकाने सुरू आहेत. शहरात दुचाकीस्वाराने गर्दी केली आहे त्यामुळे ठिकठिकाणी वाहतूक कोंडी निर्माण होत आहे.