बेळगावात मद्यप्रेमींकडून चक्क दारू दुकानाची पूजा, दुकानांसमोर पहाटे पासूनच गर्दी..  

बेळगाव  : आज सकाळपासून दारू दुकाने सुरू होणार असल्याने आंनदी झालेल्या मद्यप्रेमींनी चक्क दारूच्या दुकानाची पूजा करत सरकारच्या निर्णयाचे स्वागत केले आहे.मार्च महिन्यात लॉकडाऊन जाहीर करण्यात आल्यापासून तब्बल 41 दिवसांपासून बंद असलेली मद्याची दुकाने सोमवारी सुरू झाली आहेत त्यामुळे सकाळपासूनच दुकांनासमोर प्रचंड गर्दी दिसून येत आहे तर  काही ठिकाणी नंबर लावण्यासाठी पिशव्या ठेवण्यात  आल्या आहेत. 

सरकारने सकाळी 9 ते सांयकाळी 7 यावेळेत दारूची दुकाने सुरू करण्यास परवानगी दिली आहे मात्र मद्यप्रेमींमध्ये दारूची दुकाने किती दिवस सुरू राहतील याबाबत सांशकता आहे त्यामुळे दारू दुकाने सुरू झाल्यानंतर अधिक प्रमाणात साठा करण्यासाठी लोकांनी दुकानांसमोर पिशव्या, बॅगा घेऊन रांगा लावल्या आहेत सरकारने दारू दुकानासमोर गर्दी होऊ नये यासाठी नियोजन करावे अशी सूचना केली होती मात्र अनेक दुकानांसमोर सोशल डिस्टस्टिंग पाळले जात नाही असे स्पष्टपणे दिसून येत आहे. 

हेही वाचा- अखेर तळीरामांच्या संयमाचा बांध फुटला ; दारू दुकानांवर तोबा गर्दी...

दुकाने सुरू झाल्यानंतर मद्य खरेदीसाठी मोठी गर्दी झाली असली तरी दारूच्या दरात वाढ करण्यात आल्याची तक्रार मद्यप्रेमींमधून व्यक्त केली जात असून सध्याची परिस्थिती पाहता दिवसभर दारू दुकानांसमोर गर्दी कायम असण्याची शक्यता आहे.