कोयना धरण परिसरात भूकंपाचा सौम्य धक्का ; नागरीकात घबराहट

कोयनानगर  : कोयना धरण परिसर आज सकाळी 10.22 मिनीटांनी भूकंपाच्या सौम्य धक्क्याने हादरला. त्याचा रिश्टर स्केल 3.1 होता. त्याचे  कोयनेपासून 13.60 किलोमीटरवर तर केंद्रबिंदू वारणा खोऱ्यात चिखली गावाच्या ईशान्येस 10 किलोमीटरवर होती. त्याची खोली 8 किलोमीटर होती.

 मुसळधार पावसाबरोबरच आत्ता झालेल्या भुकंपाच्या धक्क्याने घबराट आहे. भूकंपाने कोणतीही जिवीत अथना वित्त हानी झालेली नाही, असे तहसीलदार कार्यालयातून सांगण्यात आले

हेही वाचा- कोल्हापूरात  पूरपरिस्थिती हाताळण्यासाठी यंत्रणा सज्ज : सतेज पाटील -

आज सकाळी 11 वाजता कोयना धरणाचे 6 वक्रद्वारे 1 फूट 9 इंच उचलण्यात आली आहेत. सांडव्या वरून 9360 व धरण पायथा विजगृह मधून 1050 क्युसेक असा एकूण 10 हजार 410 क्युसेक पुराच्या पाण्याचा विसर्ग कोयना नदीपात्रात सुरू आहे. पावसाचाही जिल्ह्यात जोर आहे आज एकूण सरासरी  31.56 मिलीमीटर पाऊस झाला आहे. जिल्ह्यात सर्वत्र पावसाने हजेरी लावलेली आहे. 

हेही वाचा-Independence Day : गणेश मंडळांनी प्लाझ्मा दानसारखे उपक्रम राबवावेत : सतेज पाटील -

तालुकानिहाय माहिती  अशी 
कंसात आतापर्यंत  झालेल्या  पावसाची आकडेवारी 

 -सातारा 40.60  (641.27), जावली – 69.33 (1074.89)     पाटण – 46.55 (984.18),   कऱ्हाड– 22.62 (451.69)      कोरेगाव – 22.56 (415.38),  खटाव – 9.96 (350.02)       माण – 5.14(296.71), फलटण – 2.89 (283.51)          खंडाळा – 10.20 (350.90),  वाई – 2.89.(25.57),           महाबळेश्वर – 147.10 (3584.28)

संपादन - अर्चना बनगे