पाच लाखांसाठी सासरच्यांनी छळल्याने विवाहितेने दिला जीव 

married woman suicide in kolhapur ichalkaranji
married woman suicide in kolhapur ichalkaranji

इचलकरंजी - नवीन घर घेण्यासाठी माहेरहून पाच लाख रुपये आणण्यासाठी विवाहितेचा छळ करून तिला आत्महत्येस प्रवृत्त केल्याप्रकरणी पतीसह तिघांवर शिवाजीनगर पोलिसांत गुन्हा नोंद झाला आहे. विवाहितेचे वडील सुरेश उत्तम लोटके (जवाहरनगर) यांनी तक्रार दिली आहे. अश्‍विनी आदिक टकले (वय 30, इंदिरा कॉलनी) असे मृत विवाहितेचे नाव आहे. याप्रकरणी पोलिसांनी पती अदिक महादेव टकले, सासू सुलोचना महादेव टकले, सासरा महादेव भानुदास टकले यांच्यावर गुन्हा नोंद केला आहे.

 
याबाबत अधिक माहिती अशी, अश्‍विनीचा विवाह दहा वर्षांपूर्वी अदिक टकलेशी झाला आहे. त्यांना 14 महिन्यांचा मुलगा आहे. घर बांधणीसाठी माहेरहून पाच लाख रुपये आणण्यासाठी सासरच्या मंडळींकडून तिचा छळ करण्यात येत होता. दोन लाख रुपये दिले होते. उर्वरित तीन लाख रुपये आणण्यासाठी तिचा छळ सुरू होता. त्रासाला कंटाळून अश्‍विनी हिने 13 सप्टेंबरला विषारी द्रव प्राशन केले.

पती अदिकने तिला तातडीने शहरातील खासगी रुग्णालयात दाखल केले. मात्र उपचार सुरू असताना तिचा मृत्यू झाला. याबाबत अश्‍विनीच्या वडिलांनी तक्रार दिल्यानंतर पतीसह तिघांवर आत्महत्येस प्रवृत्त केल्याप्रकरणी शिवाजीनगर पोलिसांनी गुन्हा नोंद केला आहे.  

संपादन - धनाजी सुर्वे 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com