...त्यामुळेच पूरस्थिती नियंत्रणात : जारकीहोळी

Minister Jarkiholi inspected the floods on Panchganga river
Minister Jarkiholi inspected the floods on Panchganga river

इचलकरंजी - गेल्या वर्षीच्या महापुराच्या पार्श्‍वभूमीवर यंदा महाराष्ट्र व कर्नाटक सरकारने समन्वयाने संभाव्य पूरस्थितीबाबत नियोजन केले. त्यामुळे झपाट्याने पाण्याची पातळी वाढली असली, तरी पूरस्थितीवर नियंत्रण ठेवण्यात यश आले, अशी माहिती कर्नाटकचे पाटबंधारेमंत्री रमेश जारकीहोळी यांनी दिली. 

येथील पंचगंगा नदीला आलेल्या पुराची पाहणी मंत्री जारकीहोळी यांनी केली. त्यांच्यासमवेश आरोग्य राज्यमंत्री राजेंद्र पाटील - यड्रावकर होते. संभाव्य पूरस्थीती लक्षात घेऊन महाराष्ट्र शासन सतर्क होते. सुरुवातीपासूनच धरणातील साठ्याबाबत केलेल्या नियोजनामुळे यंदा पुराची गंभीर परिस्थिती निर्माण होऊ दिली नाही, असे नमूद केले.

पंचगंगा नदीवरील नवीन पुलावरून पूरस्थितीची दोन्ही मंत्र्यांनी पाहणी केली. मंत्री जारकीहोळी व मंत्री  पाटील-यड्रावकर यांनी संभाव्य पूरस्थिती व उपाययोजना याबाबत चर्चा करून आढावा घेतला. जिल्हाधिकारी आर. जी. हिरेमठ, जिल्हा पोलिसप्रमुख लक्ष्मण निंबरगी, प्रांताधिकारी रवींद्र कर्लिंगनावर, पोलिस उपअधीक्षक मनोजकुमार नाईक, इचलकरंजीचे प्रांताधिकारी डॉ. विकास खरात, अपर तहसीलदार एम. एन. संदे, शिरोळच्या तहसीलदार अपर्णा मोरे-धुमाळ आदी उपस्थित होते.


संपादन - धनाजी सुर्वे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com