इचलकरंजी (कोल्हापूर) : येथील पंचगंगा नदीवरती घरातील धुणे धुण्यासाठी आलेल्या कुटुंबातील एक व्यक्ती नदीत बुडाली. रविंद्र पांडुरंग शिंदे (वय 48, रा. राजीव गांधी नगर, यड्राव) असे त्यांचे नाव आहे. आज दुपारी 12 वाजण्याच्या सुमारास ही घटना घडली. स्थानिक पाणबुडे आणि अग्निशमन दलाच्यावतीने नदीत बुडालेल्या शिंदे यांना शोधण्याचे काम गेल्या चार तासापासून युध्द पातळीवर सुरू आहे.
शुक्रवारी सकाळी रविंद्र शिंदे हे घरातील मोठे धुणे धुण्यासाठी आपल्या कुटुंबियांसमवेत पंचगंगा नदीवर आले होते. धुणे धूत असताना शिंदे हे पोहत नदी पात्राच्या मध्यापर्यंत गेले. अचानक ते गटांगळ्या खाऊ लागले. नदी पात्रात त्यांच्या नातेवाईकांना ते दिसेनासे झाले. नातेवाईकांनी आरडाओरड सुरू केला. त्वरीत या ठिकाणी पोलिस दाखल झाले. अग्निशमन दल व स्थानिक पाणबुड्यांना पाचारण करण्यात आले. युध्द पातळीवर शिंदे यांना शोधण्याची मोहिम सुरू केली. सध्या नदी पात्रात वाहते पाणी नसल्याने गटांगळ्या खात असलेल्या ठिकाणी शिंदे यांचा शोध सुरू केला. मात्र गेल्या चार तासापासून त्यांना शोधण्यात यश आले नाही. नदी पात्रावर त्यांच्या नातेवाईकांनी गर्दी केली आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
