ऐकावं ते नवलच ; 'तू माझ्या गाडीला टेकून का उभा राहिलास' म्हणत दगडानेच केली मारहाण

कोल्हापूर : मोटारसायकलला टेकून उभारल्याच्या कारणावरून तरुणास एकाने दगडाने मारहाण केली. हा प्रकार लिशा हॉटेल चौक परिसरात काल सायंकाळी घडला. याची नोंद शाहूपुरी पोलिसांत झाली. याबाबतची फिर्याद धनंजय दत्तात्रय कोळी (कदमवाडी) यांनी दिली.

धनंजय कोळी गुरुवारी (३) सायंकाळी लिशा हॉटेल चौक परिसरातील एटीएमजवळ गेले होते. तेथील एका मोटारसायकलला ते टेकून उभे राहिले. तेवढ्यात मोटारसायकल मालक तेथे आला. त्याने ‘तू माझ्या गाडीला टेकून का उभा राहिलास’ असा जाब विचारत मारहाण केली. त्यानंतर दगडाने धनंजय यांच्या डोक्‍यात मारहाण करून धमकी दिल्याची फिर्याद जखमी धनंजय यांनी दिली. त्यानुसार संबंधित मोटारसायकल मालकावर गुन्हा नोंद झाला.

हेही वाचा - बनावट नोट पन्नासची अन् गाठ पडली पोलीसांशी
 

संपादन - स्नेहल कदम