पोलिस ठाण्याच्या आवारातच घेत होता लाच ; वाचा, पुढे काय झाले?

शाहूवाडी (कोल्हापूर) - येथील पोलिस ठाण्याच्या पोलिस नाईकला लाच घेताला लाचलुचपत विभागाने रंगेहात पकडले. धनाजी सराटे ( ४३ ) असे कारवाई झालेल्या पोलिस नाईकाचे नाव आहे. 

सराटे याला आज लाचलुचपत विभागाच्या अधिकाऱ्यांनी वीस हजार रूपयांची लाच घेताना पोलिस ठाण्याच्या परिसरात रंगेहात पकडले. जमीनीच्या वादातून झालेले मारामारीचे प्रकरण मिटविण्यासाठी त्याने ५० हजार रूपयांची मागणी केली होती.

गिरगांव (ता. शाहूवाडी ) येथील पांडूरंग रामचंद्र कोकरे आणि झोलू लक्ष्मण कोकरे यांच्यात जमिनीचा वाद होता. त्यातून त्यांच्यामध्ये मारामारी झाली होती. पोलीस ठाण्यात मारामारीची तक्रार झाली. त्यावेळी मी तुमच्या बाजूने निर्णय देतो म्हणत सराटे याने लाच मागितली. याबाबत जयराम कस्तुरे यांनी लाचलुचपत विभागाकडे तक्रार केली होती. तक्रारीची खातरजमा करून लाचलुचपत विभागाने सापळा रचला होता. या सापळ्यात सराटे लाच घेताना रंगेहात सापडला. 

हे पण वाचा -  ब्रेकिग - सारथी संस्थेबाबत या मंत्र्याने केले मोठे विधान