कोल्हापूर ; देवाळे येथे खचतोय रस्ता; राधानगरी मार्ग बंद होण्याची शक्यता

Radhanagari road likely to be closed
Radhanagari road likely to be closed

हळदी - कोल्हापूर-राधानगरी राज्यमार्गावर देवाळे (ता. करवीर) येथे रस्ता खचून राज्यमार्ग वाहतुकीसाठी बंदच होण्याची शक्यता निर्माण झाली आहे. या मार्गावर देवाळे आणि हळदी गावादरम्यान असणाऱ्या छोट्या मोहरीचे काम सार्वजनिक बांधकाम विभागाच्या वतीने रखडल्याने तसेच रस्त्याच्या कडेने जाणाऱ्या थेट पाईपलाईनच्या कामामुळे संबंधित रस्ता पूर्णतः खराब झाला आहे. 

 आज सकाळपासून सुरू असणाऱ्या मुसळधार पावसाने ओढ्यातील पाण्याचे प्रमाण वाढले आहे. वाढलेले पाणी रस्त्यावरून पलीकडे  वाहत असताना पाण्याच्या वेगामुळे हळू हळू रस्ता देखील खचला जात आहे. हा रस्ता राज्यमार्ग असल्याने मोठ्या प्रमाणात वाहनांची गर्दी आहे. त्यातच अशा पद्धतीने रस्ता खचून जाण्याची दाट शक्यता निर्माण झाल्याने हा मार्ग देखील वाहतुकीसाठी बंद होऊ शकतो, अशी परिस्थिती निर्माण झाली आहे. वाहनधारक स्थानिक युवकांच्या मदतीने जीव धोक्यात घालून वाहत्या पाण्यातून प्रवास करत आहेत. याचबरोबर सार्वजनिक बांधकाम विभागामार्फत पाणी जाण्यासाठी रस्त्याच्या दुतर्फा नाल्याची व्यवस्था केली नसल्याने पिरवाडी, कांडगाव हळदी, कुरुकली या गावांच्या हद्दीतील रस्त्यावर देखील मोठ्या प्रमाणात पाणी साचले आहे.


संपादन - धनाजी सुर्वे 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com