बघता बघता त्यांच्यात हाणामारी सुरू झाली आणि पालकांना फुटला घाम

कोल्हापूर : पाच ते सहा तरूण शिव्या देत एकमेकांवर धावून गेले. त्यांच्यात भररस्त्यात हाणामारी सुरू झाली. तशी रस्त्यावरून जाणाऱ्या विद्यार्थी पालकांची तारांबळ उडाली. ते ओरडा करत धावाधाव करू लागले. न्यू महाद्वाररोड परिसरात सोमवारी भरदुपारी हा प्रकार घडला. 

कोरोना संकटानंतर शाळा महाविद्यालये पुन्हा सुरू झाली आहेत. जशी विद्यार्थ्यांची संख्या वाढू लागली. तसे टवाळखोरही डोकेवर काढू लागलेत. सोमवारी दुपारी शाळा सुटली. शाळेचे विद्यार्थी मोठ्या संख्येने न्यू महाद्वारोड परिसरातून घरी जात होते. तसेच अनेक पालक मुलांना चालत व गाडीवरून मुलांना घरी घेऊन जात होते. अचानक मोटारसायकलवरून काही तरूण याभागात शिव्यांची लाखोली वाहत तेथे आले. ते एकमेकांच्या अंगावर धावून गेले.

बघता बघता त्यांच्यात हाणामारी सुरू झाली. या हाणामारीत अनेक पालक वाहन व पाल्यांसह त्यात अडकले. त्यांच्यासह विद्यार्थ्यांनीही ओरडा सुरू केला. तसे ते तरूण आपापल्या मोटारसायकलवरून पसार झाले. हा काही मिनीटांचा प्रकार अनेक पालकांसाठी धक्कादायक होता. पण काहीजण हा प्रकार आम्हाला नेहमीचाच आहे. म्हणूनच आम्ही मुलांना नेहमी शाळेत सोडण्यासाठी व घरी घेऊन जाण्यासाठी येतो असे सांगत होते. 

हेही वाचा - प्लास्टिक कचऱ्यातून मिळणार उत्पन्न ; निसर्ग मित्रची ऑफर -

संपादन - स्नेहल कदम