सांगा, शिवाजी विद्यापीठाची हद्द नेमकी कोणती? ओल्या पार्ट्यांना उत 

कोल्हापूर - शिवाजी विद्यापीठाची हद्द समजावी म्हणून कंपाउंड बांधले; मात्र एस.एस.सी. बोर्डजवळ कंपाउंड पाडून पायवाट केली आहे. विद्यापीठाच्या परिसरात सर्रास ओल्या पार्ट्या चालतात. म्हशी चरायल्या सोडल्या जातात. या ठिकाणी असणारी सुरक्षारक्षकांची चौकीही हलवली आहे. हे सर्व पाहिले की, सांगा, विद्यापीठाची हद्द नेमकी कोणती? असा प्रश्‍न पडतो.  

शिवाजी विद्यापीठाला आठशे एकर परिसर मिळाला आहे. विद्यापीठाची हद्द लक्षात यावी, तेथे अतिक्रमण होऊ नये, यासाठी दगडी कंपाउंडही बांधण्यात आले; मात्र एस.एस.सी. बोर्ड ते राजेंद्रनगर या भागात विद्यापीठाच्या हद्दीमध्ये राजरोसपणे मानवी हस्तक्षेप सुरू आहे. विद्यापीठाचे कंपाउंड पाडून काही जणांनी पायवाट केली आहे. येथे आत म्हशी चरण्यासाठी आणल्या जातात. रात्री ओल्या पार्ट्या चालतात. गेल्या महिन्यात येथे एका व्यक्तीने झाडाला गळफास घेऊन आत्महत्याही केली होती. या भागातील नागरी वस्तीमधील सांडपाणीही विद्यापीठाच्या हद्दीत सोडले आहे. पूर्वी कंपाउंडच्या जवळच एक सुरक्षारक्षकांची चौकी होती. येथे सुरक्षारक्षक होते; पण  आता ही चौकी येथून हलवून आत नेली आहे. 

हे पण वाचा - नव्या लॉकडाऊनमध्ये हे राहणार सुरू अन् हे राहणार बंद

विद्यापीठाची हद्द कोणती? 
येथे विद्यापीठाच्या कंपाउंडच्या आतही घरांचा काही भाग दिसतो. तर विद्यापीठाच्या हद्दीतच एक बंगला दिसतो. त्यामुळे विद्यापीठाची हद्द नेमकी कोणती? या घरांचे हे अतिक्रमण आहे का? असे प्रश्‍न उपस्थित होतात.
संपादन - धनाजी सुर्वे