कोल्हापूर - उद्यापासून (20 जुलै 2020) जिल्ह्यात एक आठवडा लॉकडाऊन होत आहे. लॉकडाऊन संदर्भात लोकांना काही प्रश्‍न होते. हेच जनतेचे प्रश्‍न घेवून 'सकाळ'ने जिल्हाधिकारी दौलत देसाई यांच्याशी सवांद साधला. उद्योगांचे कामकाज, बॅंकांचे कामकाज, शेतीचे काम, गॅस वितरण, धान्य दुकान, दूध खरेदी-विक्री सुरु राहणार की बंद राहणार याबाबत जाणून घेतले. त्याबाबत जिल्हाधिकाऱ्यांनी आपली भूमिका स्पष्ट केली.
जिल्हाधिकारी दौलत देसाई म्हणाले, जिल्ह्यात कोरोनाने दोन हजारचा टप्पा पार केला आहे. शिवाय रोज वाढणाऱ्या रूग्णांची संख्याही जास्त आहे. त्यापार्श्वभूमीवर लोकप्रतीनीधींसह पालकमंत्र्यांशी चर्चा करून जिल्ह्यात उद्यापासून आठ दिवस लाॅकडाऊन करण्याचा निर्णय घेण्यात आला. कोरोनाचा प्रसार रोकण्यासाठी हा निर्णय घेण्यात आला आहे. यात ग्रामीण भागात काही अटींवर उद्योग सुरू ठेवण्यास परवाणगी देण्यात आली आहे. परंतु, शहरी भागातील उद्योग सुरू राहणार नाहीत. शिवाय ज्या कंपणीत कामगारांना राहण्याची सुविधा आहे, अशा कंपन्यांना परवानगी देण्यात आली आहे. याबरोबरच दूध, आैषधांसह गॅस वाहतूक सुरू राहील. बॅंकांची मुख्या कार्यालये कमी कर्मचाऱ्यांच्या उपस्थित सूरू ठेवण्याचाही विचार आहे. त्याचा निर्णय आज (दि. १९ ) संध्याकाळपर्यंत घेण्यात येईल. शेतीच्या कामांना परवानगी असेल परंतु, या गावातून त्या गावात वाहतूक करण्यास परवानगी नसेल.
या लाॅकडाऊनमधून वैद्यकीय क्षेत्र वगळण्यात आले असून कर्मचाऱ्यांना कामावर जाण्या-येण्यास परवानगी असेल. दूध संघ आणि खासगी दूध संस्थांना संकलनासाठी आणि वितरणासाठी परवानगी असेल. यात पहाटे पाच ते सकाळी नऊ आणी सांकाळी चार ते सात पर्यंत परवानगी राहिल.
व्हिडिओ पाहा -
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.