छत्रपती संभाजी महाराज पुतळा चौक सुशोभिकरणास सुरुवात 

अमोल व्यवहारे
Saturday, 5 December 2020

जुना पुना नाका चौकातील छत्रपती संभाजी महाराजांचा पुतळा परिसर हा मुंबईचे प्रवेशद्वार असलेल्या चेंबूर येथील छत्रपती शिवाजी महाराज पुतळा परिसराप्रमाणे सुशोभिकरण करण्यासाठी मराठा क्रांती मोर्चाचे समन्वयक राम जाधव व किरण पवार यांच्या नेतृत्त्वाखाली अनेक सामाजिक संघटनांनी मागणी करून निवेदने दिली होती. याचा विचार करून माजी पालकमंत्री आमदार विजयकुमार देशमुख यांनी याबाबत पाठपुरावा करून या सुशोभिकरणाच्या कामांसाठी 87 लाख रुपयांचा निधी मंजूर करून घेतला. नाविन्यपूर्ण योजना 2019-20 या वर्षातील निधी या कामासाठी मंजूर असून, या कामाचे भूमिपूजन 14 ऑगस्ट 2020 रोजी तत्कालीन पालकमंत्री विजयकुमार देशमुख यांच्या हस्ते करण्यात आले. 

सोलापूर ः शहराचे मुख्य प्रवेशद्वार असलेल्या जुना पुना नाका चौकातील छत्रपती संभाजी महाराज पुतळा परिसराच्या सुशोभिकरणास सुरुवात करण्यात आली असून, येत्या आठ महिन्यात हे सुशोभिकरण पूर्ण होणार आहे. 

हेही वाचाः भाजीपाला उत्पादकामागे संकटाची मालिकाच ! दर नसल्याने टाकले दोडक्‍याचे पीकच उपटून 

जुना पुना नाका चौकातील छत्रपती संभाजी महाराजांचा पुतळा परिसर हा मुंबईचे प्रवेशद्वार असलेल्या चेंबूर येथील छत्रपती शिवाजी महाराज पुतळा परिसराप्रमाणे सुशोभिकरण करण्यासाठी मराठा क्रांती मोर्चाचे समन्वयक राम जाधव व किरण पवार यांच्या नेतृत्त्वाखाली अनेक सामाजिक संघटनांनी मागणी करून निवेदने दिली होती. याचा विचार करून माजी पालकमंत्री आमदार विजयकुमार देशमुख यांनी याबाबत पाठपुरावा करून या सुशोभिकरणाच्या कामांसाठी 87 लाख रुपयांचा निधी मंजूर करून घेतला. नाविन्यपूर्ण योजना 2019-20 या वर्षातील निधी या कामासाठी मंजूर असून, या कामाचे भूमिपूजन 14 ऑगस्ट 2020 रोजी तत्कालीन पालकमंत्री विजयकुमार देशमुख यांच्या हस्ते करण्यात आले. 

हेही वाचा ः केंद्राने शेतकरी हिताचा कायदा तातडीने मंजूर करावा ः नाना पटोले 

सध्या असलेल्या छत्रपती संभाजी महाराजांच्या पुतळ्यामध्ये कोणताही बदल न करता आजूबाजूचा परिसर सुशोभित करण्यात येणार आहे. याठिकाणी बांधकाम स्वरूपात किल्ल्याची प्रतिकृती उभारण्यात येणार आहे. या परिसरात 13 लहान व पुतळ्याच्या पाठीमागे 2 मोठे बुरूज उभारण्यात येणार आहेत. पुतळ्याच्या समोरील बाजूस दोन मोठ्या तोफांची प्रतिकृती उभारण्यात येणार असून, याठिकाणी रंगीबेरंगी लाईटिंग म्हणजे लेझर शो साकारण्यात येणार आहे. 
छत्रपती संभाजी महाराज पुतळा सुशोभिकरणाचा आराखडा वास्तुविशारद मोहोळकर यांनी तयार केला असून, पालिकेचे नगरअभियंता संदीप कारंजे, सहायक अभियंता सारीका आकुलवार, कनिष्ठ अभियंता शेफाली दिलपाक, टेक्‍निकल सुपरवायझर केसकर हे या कामावर लक्ष ठेऊन काम करून घेत आहेत. 

लवकर काम पूर्ण व्हावे 
अनेकदा निवेदने दिल्यानंतर छत्रपती संभाजी महाराज पुुतळा परिसर सुशोभिकरणाच्या कामास सुरुवात झाली असून, लवकरच हे काम पूर्ण होईल. सुशोभिकरणाचे काम पूर्ण झाल्यानंतर सोलापूरवासीय व बाहेरील लोकांसाठी हा परिसर एखादे पर्यटन स्थळासारखे होईल. 
-किरण पवार, शहर समन्वयक, मराठा क्रांती मोर्चा, सोलापूर  
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Chhatrapati Sambhaji Maharaj Statue Chowk beautification begins