कोरोनाची अफवा पडली महागात ! अमरसिंग राठोड जेरबंद

सोलापूर : व्हिडिओ क्‍लिपच्या माध्यमातून सोशल मिडियाद्वारे कोरोनाबद्दल अफवा पसरविणाऱ्या अमरसिंग हरीसिंग राठोड (रा. ग्रील कंपनी, वळसंग, ता. दक्षिण सोलापूर) याच्याविरुध्द वळसंग पोलिसांत शुक्रवारी (ता. 20) गुन्हा दाखल करण्यात आला असून पोलिसांनी त्याला ताब्यात घेतले आहे. 

हेही नक्‍की वाचा : मोठी बातमी ! रेल्वेकडून सवलतीचा प्रवास बंद 

शासनाने अधिसूचना काढून कोणत्याही व्यक्‍तीने कोरोनाबद्दल ऑडीओ क्‍लिप व अफवा व्हायरल करणाऱ्यांविरुध्द कायदेशीर कारवाई करण्याचे स्पष्ट केले आहे. त्यानुसार पुणे, पंढरपुरात गुन्हेही दाखल झाले आहेत. तरीही अमरसिंगने बुधवारी (ता. 18) व गुरुवारी (ता. 19) अशा दोन दिवसात त्याने ही पोस्ट व्हायरल केल्याचे पोलिसांकडून सांगण्यात आले. आरोपीकडून पोलिसांनी मोबाइल जप्त केला असून त्याच्यावर कलम 188 अंतर्गत व कलम 54 अंतर्गत गुन्हा दाखल झाला आहे. पुढील तपास पोलिस नाईक व्ही. डी. माने करीत आहेत. 

हेही नक्‍की वाचा : जनता कर्फ्यू ! विनाकारण घराबाहेर पडणाऱ्यांवर पोलिसांचा वॉच 

क्‍लीपमधील व्हायरल मेसेज 
कोरोना व्हायरसने बहूत गंभीर रुप ले लिया है, इसलिये सरकार हमको बता नही रही है की, ये कितनी गंभीर बिमारी है. लेकिन सावधानी बरसे, और हमारे जी. आर. कॅम्प मे भी एक बिमार पाया गया है, इसलिये सावधानी बरसे, और जादा अगर बिमार हो तो घर चला जाये छुट्टी लेके, इलाज नही होगा तो टपक जावो गे, अशी व्हिडिओ क्‍लिप आरोपी अमरसिंग हरीसिंग राठोड याने सोशल मिडियातून व्हायरल करीत अफवा पसविली आहे. 

हेही नक्‍की वाचा : खासदार डॉ. महास्वामींच्या अटकपूर्व जामिनावर आज फैसला