सोलापूरः यावर्षी जिल्ह्यात तब्बल नऊ हजार कोटी रुपयांचा पतपुरवठा बॅंकांकडून केला जाणार आहे. शेती व उद्योगासोबत निर्यात उद्योगासाठी 18 कोटी रुपयांची तरतूद करण्यात आली आहे.
हेही वाचाः गुड न्युजः अक्कलकोट झाले कोरोनामुक्त
जिल्हा अग्रणी बॅंकेने कोरोना संकटामुळे लांबलेला वार्षिक पतपुरवठा आराखडा निश्‍चित केला आहे. यावर्षी शेतकऱ्यांना पीक कर्जासाठी चार हजार 51 कोटी रुपये दिले जाणार आहेत. वर्षभरातील सर्व हंगामासाठी शेतकऱ्यांना पीक कर्जे घेता येणार आहेत. जिल्ह्यातील राष्ट्रीयीकृत बॅंकाकडून कर्ज पीक कर्ज वाटप सुरू आहे. शेती कामात भांडवली कर्ज दिले जाणार आहे. यासाठी पीक कर्जाशिवाय वेगळी तरतूद करण्यात आली आहे. एकूण दोन हजार 695 कोटी रुपयांची कर्जे वितरीत केली जातील. या दोन्ही कर्जाचे प्रकार मिळून एकूण सहा हजार 746 कोटी रुपये कर्जवाटप शेती क्षेत्राला केले जाणार आहे.
हेही वाचाः या अधिकाऱ्याच्या घरात 11 लाखांची जबरी चोरी
जिल्ह्यातील लघू व मध्यम उद्योगासाठी एक हजार 916 कोटी रुपयांचे कर्ज दिले जाईल. निर्यात उद्योगासाठी 18 कोटी 45 लाख रुपयांचा पतपुरवठा होईल. शैक्षणिक कर्जासाठी एकूण 122 कोटी रुपयांचे वितरण गरजू विद्यार्थ्यांच्या शिक्षणासाठी कर्जरूपात केले जाणार आहे. सामाजिक उन्नती क्षेत्रासाठी 86 कोटींचा पतपुरवठा केला जाईल. वर्ष 2022 पर्यंत शेती उत्पादन दुप्पट करणे या उद्देशासाठी शेती व शेतीपूरक क्षेत्राला जास्त पतपुरवठा केला जाणार आहे.
मागील वर्षात ग्रामीण जीवन्नोनती अभियान व मुद्रा योजनेत जिल्ह्यातील बॅंकांनी उत्कृष्ट कामगिरी केली आहे. नव्या उद्योजकांना उद्योगाच्या पतनिर्मितीसाठी मोठी मदत दिली जाणार आहे. कोरोना संकटानंतर उद्योगांना प्रोत्साहन देण्यासाठी कर्जाची मागणी जास्त होण्याची शक्‍यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.