शिरवळकर फडाचे मालक दादामहाराज शिरवळकर यांचे निधन 

पंढरपूर (सोलापूर) : (वै.) गंगूकाका शिरवळकर फडाचे मालक ह. भ. प. धोंडोपंत (दादा) महाराज शिरवळकर वय (57) यांचे रात्री साडेअकराच्या सुमारास निधन झाले. 

जगद्‌गुरू तुकोबारायांच्या गाथा भजनाची सेवा व परंपरागत वारकरी भजन यासाठी दादामहाराज हे संप्रदायातील लहानथोरांना परिचित होते. गेल्या काही दिवसांपासून किडनीच्या आजाराने ग्रस्त झाले असतानाही हातात काठीचा आधार घेऊन त्यांनी अनेक ठिकाणी आपली भजनाची व कीर्तनाची सेवा अत्यंत निष्ठेने पार पाडली. 
"पडता जडभारी। नेमा न टळे निर्धारी।'। या न्यायाने त्यांनी संप्रदायातील आपल्या सेवा शेवटच्या क्षणापर्यंत सांभाळल्या. काल रात्री साडेअकराच्या सुमारास त्यांचे निधन झाले. 
(वै.) दादा महाराज यांच्या मागे आई, पत्नी, दोन मुले, मुली व हजारोंचा फडातील शिष्यसमुदाय आहे.