नोटाबंदी झाली काय ! लॉकडाउनमध्येही निराधारांच्या बॅंकांबाहेर रांगा 

तात्या लांडगे
मंगळवार, 7 एप्रिल 2020

पांढरे पट्टे मारण्यासाठी मिळेना पेंटर 
कोरोनाला हद्दपार करण्यासाठी जाहीर केलेल्या लॉकडाउनचे खातेदारांनी तंतोतंत पालन करावे, यासाठी सर्वच बॅंकांना सोशल डिस्टन्सिंगचे उपाय करण्याचे आदेश देण्यात आले आहेत. त्यानुसार बहूतांश बॅंकांनी उपाययोजना केल्या असून आता बॅंकांबाहेर कायमस्वरुपी तीन फुटाच्या अंतरावर पांढरे पट्टे मारण्यासाठी पेंटरचा शोध सुरु आहे. निराधार योजनेतील लाभार्थी, गॅस सिलेंडर सबसिटी, जनधन योजनेतील लाभार्थी पैसे काढण्यासाठी गर्दी करु लागले आहेत. 
- संतोष सोनवणे, व्यवस्थापक, जिल्हा अग्रणी बॅंक, सोलापूर 

सोलापूर : कोरोनाच्या पार्श्‍वभूमीवर देशभर लॉकडाउन जाहीर झाला असून त्यात आणखी वाढ होईल, अशा चर्चेने सर्वसामान्य खातेदार पाचशे व हजार रुपये काढून घेण्यासाठी बॅंकांबाहेर गर्दी करु लागले आहेत. कोरोनाचा प्रादुर्भाव रोखण्यासाठी सोशल डिस्टन्सिंगचे पालन करणे बंधनकारक असतानाही या नियमाला बगल देत बॅंकांबाहेरील खातेदारांच्या रांगा वाढू लागल्या आहेत. त्यामुळे पुन्हा एकदा नोटाबंदी झाली की काय, अशी चर्चा नागरिक करु लागले आहेत. 

हेही नक्‍की वाचा : सकाळ ब्रेकिंग ! जुलैनंतर सुरु होणार आगामी शैक्षणिक वर्ष 

 

कोरोनाबाधितांची संख्या वाढू लागल्याने देशावरील कोरोनाचे संकट दूर होण्याच्यादृष्टीने केंद्र व राज्य सरकारकडून दिवसेंदिवस कडक उपाययोजना केल्या जात आहेत. विनाकारण घराबाहेर पडणाऱ्या वाहनचालकांवर पोलिस कारवाई करीत असून सोलापूर शहरातील सात पोलिस ठाण्यांच्या हद्दीत 21 ठिकाणी नाकाबंदी करण्यात आली आहे. संचारबंदीचे उल्लंघन करणाऱ्या सुमारे आठ हजारांहून अधिक जणांविरुध्द गुन्हे सोलापूर शहरात दाखल झाले आहेत. किराणा दुकानात अथवा भाजी खरेदी करताना सोशल डिस्टन्सचे पालन करावे, अशा सक्‍त सूचनाही दिल्या जात आहेत. मात्र, बॅंकांबाहेर सोशल डिस्टन्सचा नागरिकांना विसर पडल्याचे चित्र असून शिव भोजनाच्या ठिकाणीही अशीच स्थिती पहायला मिळत आहे. काही बॅंकांनी खातेदारांमध्ये तीन फुटाचे अंतर असावे म्हणून पांढरे पट्टेही मारले, परंतु नागरिकांना ना नियमांची ना कोरोची भिती वाटते अशीच स्थिती आहे. 

हेही नक्‍की वाचा : लॉकडाउन वाढणार ! एमपीएससीच्या परीक्षा पुन्हा पुढे ढकलल्या 

डिजिटल इंडियाची योजना कागदावरच 
पंतप्रधान नरेंद्र मोदी यांनी नोटाबंदीनंतर डिजिटल इंडियाची घोषणा करीत सर्वच व्यवहार ऑनलाइन व्हावेत यासाठी कॅशलेस इंडिया, डिजिटल इंडियाची घोषणा केली. तत्पूर्वी, नोटाबंदी केल्यानंतर जुने पैसे बॅंकेत जमा करण्यासाठी बॅंकांबाहेर लांबलचक रांगा लागल्याचे पहायला मिळाले. निराधार योजनेतील लाभार्थी, गॅस सिलेंडरची सबसिडी, जनधन योजनेचे लाभार्थी पाचशे ते एक हजार रुपयांची रक्‍कम काढून घेण्यासाठी बॅंकांबाहेर गर्दी करु लागले आहेत. दुसरीकडे मात्र, कोरोनाचा प्रादुर्भाव रोखण्यासाठी जाहीर केलेल्या लॉकडाउनचा बॅंकांसह खातेदारांना विसर पडल्याचेही दिसत आहे. 

हेही नक्‍की वाचा : संचारबंदीचे उल्लंघन ! भाजप आमदार सुजितसिंह ठाकूर यांच्यावर गुन्हा 

पांढरे पट्टे मारण्यासाठी मिळेना पेंटर 
कोरोनाला हद्दपार करण्यासाठी जाहीर केलेल्या लॉकडाउनचे खातेदारांनी तंतोतंत पालन करावे, यासाठी सर्वच बॅंकांना सोशल डिस्टन्सिंगचे उपाय करण्याचे आदेश देण्यात आले आहेत. त्यानुसार बहूतांश बॅंकांनी उपाययोजना केल्या असून आता बॅंकांबाहेर कायमस्वरुपी तीन फुटाच्या अंतरावर पांढरे पट्टे मारण्यासाठी पेंटरचा शोध सुरु आहे. निराधार योजनेतील लाभार्थी, गॅस सिलेंडर सबसिटी, जनधन योजनेतील लाभार्थी पैसे काढण्यासाठी गर्दी करु लागले आहेत. 
- संतोष सोनवणे, व्यवस्थापक, जिल्हा अग्रणी बॅंक, सोलापूर 

ठळक बाबी... 

  • रंगभवन परिसरातील बॅंकासमोर खातेदारांची बॅंकांबाहेर पैसे काढण्यासाठी झुंबड 
  • केगाव (ता. उत्तर सोलापूर) सेंट्रल बॅंकेसमोर खातेदारांची होतेय अलोट गर्दी 
  • बॅंकांची स्वत:ची जागा अपुरी पडत असल्याने खातेदारांची गर्दी झाली रस्त्यांवरच 
  • बॅंक अधिकाऱ्यांनी नियुक्‍त केले अतिरिक्‍त कर्मचारी : खात्यांवरील रकमेची माहिती रांगेत दिली जातेय 
  • लॉकडाउन वाढेल या भितीने निराधार पाचशे ते एक हजारांची रक्‍कम काढण्यासाठी सकाळपासूनच लावत आहेत रांग 
  • लॉकडाउन अन्‌ संचारबंदीतही सोशल डिस्टन्सिंगचा फज्जा 
  • बॅंकांसमोरील गर्दी हटविताना अधिकारी वैतागले : खातेदारांकडून होईना सोशल डिस्टन्सचे पालन 

स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Discussion of currency bans Lockdown also queues outside destitute banks