मोहोळ (सोलापूर)ः मोहोळ विधानसभा मतदार संघातील सोळा हजार मतदारांना निवडणुकीतील मतदानाचा पुरावा म्हणून स्मार्टकार्ड चे वितरण निवडणूक नायब तहसीलदार राजशेखर लिंबारे यांच्या हस्ते मंगळवारी (ता.8) करण्यात आले.
मोहोळ विधानसभा मतदार संघातील ज्या मतदारांना ओळखपत्र नव्हते अशांनी शासनाच्या आवाहनानुसार आठ क्रमांकांचा फॉर्म भरून दिला होता. त्यांची ओळखपत्र निवडणूक शाखेकडे जिल्हा निवडणूक कार्यालया कडून प्राप्त झाले आहेत. अत्यंत आकर्षक व टिकाऊ अशी ही स्मार्ट कार्ड आहेत. भविष्यात ग्रामपंचायत ,नगर परिषद, पदवीधर तसेच विविध सहकारी संस्थांच्या निवडणुकीत मतदानासाठी पुरावा म्हणून स्मार्टकार्ड ग्राह्य धरले जाणार आहे.
ज्या मतदारांनी विधानसभा निवडणुकीपूर्वी फॉर्म भरून दिले आहेत त्यांनी गाव कामगार तलाठी किंवा मतदान अधिकारी यांच्याशी संपर्क साधून आपले स्मार्टकार्ड प्राप्त करुन घ्यावे असे आवाहन सहाय्यक मतदार नोंदणी अधिकारी तथा तहसीलदार जीवन बनसोडे यांनी केले आहे. यावेळी निवडणूक नायब तहसीलदार राजशेखर लिंबारे यांच्यासह मोईन डोणगावकर, मनोज पुराणिक, महेंद्र नवले, तलाठी बी ए गोरे ,पी डी बुजले, योगेश अनंतकवळस, तेजस्विनी शेरखाने उपस्थित होते.
संपादनः प्रकाश सनपूरकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.