सोलापूर : लॉकडाउन काळात हॉस्पिटलमध्ये येणाऱ्या रुग्णाला प्रथमदर्शनी कोरोना आहे की नाही, हे समजत नाही. त्यामुळे खासगी डॉक्टर, नर्स, वॉर्ड बॉय, सफाई कामगारांसाठी पीपीई कीट उपलब्ध करुन द्यावेत, अशी मागणी सार्वजनिक आरोग्य विभागाकडे केली. त्यानंतर स्मरणपत्रही देण्यात आले, मात्र अद्याप पीपीई कीट मिळाले नसल्याची धक्कादायक माहिती आयएमचे सोलापूर जिल्ह्याचे अध्यक्ष डॉ. हरिष रायचूर यांनी दिली.
हेही नक्की वाचा : मोठी बातमी ! लॉकडाउनमध्ये अडकली सोळाशे कोटींची एफआरपी
सोलापुरात इंडियन मेडिकल असोसिएशनचे (आयएमए) 800 डॉक्टर सभासद असून संघटनेअंतर्गत दोनशे रुग्णालये आहेत. तर राज्यभरात दिड लाख डॉक्टर असून त्यांनीही सार्वजनिक आरोग्य विभागाकडे पीपीई कीटची मागणी केली आहे. मात्र, केंद्र सरकारकडून मोजकेचे पीपीई कीट उपलब्ध झाल्याने ते सरकारी दवाखान्यांमधील डॉक्टरांना देण्यात आल्याचे सूत्रांनी सांगितले. दरम्यान, सोलापुरातील मृत व्यक्ती कोरोनाबाधित असल्याचे रविवारी (ता. 12) स्पष्ट झाल्यानंतर त्याच्या संपर्कातील 97 जणांचे नमुने तपासणीसाठी घेतले होते. त्यापैकी 67 जणांचे अहवाल प्राप्त झाले असून त्यापैकी एका खासगी रुग्णालयातील नर्स पॉझिटिव्ह सापडल्याची चर्चा आहे. या पार्श्वभूमीवर खासगी डॉक्टरांनी आयएमएकडे धाव घेतली आहे. आता पीपीई कीट उपलब्ध झाल्याशिवाय दवाखाने सुरु ठेवली जाणार नाहीत, अशी भूमिका घेतल्याचे काही डॉक्टरांनी स्पष्ट केले.
हेही नक्की वाचा : कामगारांसाठी मोठा निर्णय ! दोन टप्प्यात मिळणार पाच हजार रुपये
पीपीई कीट नसल्याने अन्य कीटचा होतोय वापर
खासगी रुग्णालयातील रुग्णांवर उपचार करण्यासाठी डॉक्टरांची सुरक्षितता म्हणून त्यांना डॉक्टर्स, नर्सेस, वॉर्ड बॉय, सफाई कामगारांना पीपीई कीट देणे आवश्यक आहे. मात्र, डॉक्टरांकडे पीपीई कीट नसल्याने त्यांना पॅराशूट व एचआयव्ही रुग्णांवर उपचार करताना वापरले जाणाऱ्या कीटचा वापर करावा लागतोय. पीपीई कीटच्या तुलनेत अन्य कीट सुरक्षित नसल्याने डॉक्टरांना पीपीई कीट उपलब्ध करुन द्यावेत, अशी माणगी इंडियन मेडिकल असोसिएशनने केली आहे. त्यानंतर स्मरणपत्रही दिले, मात्र अद्याप पीपीई कीट उपलब्ध झालेले नाहीत, असे इंडियन मेडिकल असोसिएशनने स्पष्ट केले.
हेही नक्की वाचा : रेल्वेचा मोठा निर्णय ! प्रवाशांना मिळणार 100 टक्के परतावा
स्मरणपत्रानंतरही मिळेना पीपीई कीट
इंडियन मेडिकल असोसिएशनच्या माध्यमातून सार्वजनिक आरोग्य विभागाकडे पीपीई कीटचा मागणी यापूर्वीच नोंदविण्यात आली आहे. मात्र, जगभरातून मागणी असल्याने अद्याप पुरेशा प्रमाणात पीपीई कीट उपलब्ध झालेले नाहीत. त्यामुळे खासगी हॉस्पिटलमधील डॉक्टरांना पॅराशूट अथवा एचआयव्हीबाधित रुग्णांवर उपचार करताना वापरल्या जाणाऱ्या कीटचा वापर करुन रुग्णांवर उपचार करावे लागत आहेत. कोरोनाच्या वैश्विक संकटाशी मुकाबला करणारे डॉक्टरच कोरोनाचा शिकार होत असतील, तर युध्द कसे जिंकणार, असा प्रश्न इंडियन मेडिकल असोसिएशनचे सोलापूर जिल्ह्याचे अध्यक्ष डॉ. हरिष रायचूर यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.