सोलापूर : जिल्ह्यातील निर्यातीसाठी तयार असलेली करोडो रुपयांची उत्पादने केवळ कंटेनर उपलब्ध न झाल्याने अडकून पडली आहेत. मागील काही दिवसांपासून जलवाहतुकीशी निगडित असलेल्या कंटेनरच्या तांत्रिक प्रश्‍नामुळे ही समस्या निर्माण झाली आहे. कंटेनर वाहतुकीची आंतरराष्ट्रीय साखळी अजूनही विस्कळीत झाल्याने हा प्रश्‍न निर्माण झाला आहे.
सोलापूरच्या बातम्यांसाठी येथे क्लिक करा
सोलापुरातून मोठ्या प्रमाणात टेक्‍स्टाईल उत्पादनासोबत काही शेती उत्पादनेदेखील निर्यातीसाठी पाठवली जातात. प्रामुख्याने त्यामध्ये टेक्‍स्टाईल उत्पादनांचा वाटा सर्वाधिक आहे. कोरोना व नंतरच्या काळातदेखील निर्यातक्षम वस्तूंचे उत्पादन मागील वर्षीच्या तुलनेत देखील टिकून राहिले आहे. ही उत्पादने तयार झाल्यानंतर जहाजापर्यंत पोहोचविण्याचे काम हे कंटेनर करतात.
प्रत्यक्षात हे कंटेनर जलवाहतूक करणाऱ्या यंत्रणाकडून पुरवले जातात. जलवाहतुकीसाठी विविध क्षमतांचे हे कंटेनर म्हणजे निर्यातीचे माध्यम आहेत. पण कोरोनाचा परिणाम युरोपमध्ये खूप अधिक आहे. त्यामुळे तेथून होणारी जलवाहतूक विस्कळीत झाली आहे. कंटेनरची उपलब्धता होईना.
उपलब्धतेसाठी कधी पंधरा तर कधी त्याहीपेक्षा अधिक काळ लागत आहे. याचा परिणाम होत सोलापुरातील माल तसाच पडून राहत आहे. कंटेनरच्या उपलब्धतेनुसार माल उचलला जात आहे. कंटेनर उपलब्ध होत नसल्याने निर्यात उत्पादनाच्या वाहतुकीला मोठा गतिरोध निर्माण झाला आहे. पूर्वीच्या ऑर्डरचा माल पाठवण्यास उशिर झाल्याने पुन्हा नवीन ऑर्डर मिळवण्यास उशिर होत आहे. त्यामुळे उत्पादन, निर्यात व मालपुरवठा ही साखळी विस्कळीत झाली आहे.
मागील काही दिवसांपासून उत्पादित मालासाठी किमान 100 कंटेनर हवे आहेत. पण केवळ एक ते दोन कंटेनर काही दिवसांच्या अंतराने उपलब्ध होत आहेत. अशा स्थितीत हा माल तसाच पडून आहे. युरोपमधील कोरोनाच्या स्थितीमुळे या अडचणी वाढत आहेत.
- निर्यातीसाठी तयार माल जाण्यास विलंब
- किमान 100 कंटेनरची आवश्‍यक्ता
- एक ते दोन कंटेनरची होतेय उपलब्धता
- दर महिन्याला पाच ते सहा कोटी रुपये किंमतीच्या मालाचे उत्पादन
- कोरोना संकटानंतरदेखील निर्यातक्षम मालाची निर्मिती सुव्यवस्थित
निर्यातीचा माल तयार असताना कंटेनरच्या अडचणी कायम आहेत. युरोपमधील कोरोना स्थितीचा परिणाम होऊ लागला आहे.
- त्रिलोकचंद शहा-कासवा, अध्यक्ष, अक्कलकोट रोड एमआयडीसी असोसिएशन, सोलापूरजलवाहतुकीची साखळी कोरोनाच्या अडचणीने अजूनही सुरळीत झाली नाही. त्यामुळे निर्यातीचे काम काहीसे मंद झाले आहेत. कंटेनरचा प्रश्‍न सुटल्यानंतर निर्यातीला वेग येणार आहे.
- पेंटप्पा गड्डम, अध्यक्ष, जिल्हा यंत्रमाग धारक संघ, सोलापूर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.