मंगळवेढा(सोलापूर)ः येथील कृषी उत्पन्न बाजार समितीच्या अंतर्गत लिंबु सौदे प्रमाणेच टोमॅटो सौदे व बेदाणा सौदे सुरू करणार आहे. जनावरांचा बाजार देखील सुरू होणार आहे. शेतीमाल स्वच्छ करण्यासाठी धान्य चाळण उभी केली जाणार आहे. या नव्या योजनामूळे परिसरातील शेतकऱ्यांना अधिक चांगले मार्केट उपलब्ध करुन देण्याचा प्रयत्न चालवला जात आहे.
कृषी उत्पन्न बाजार समितीने शेतकऱ्यांच्या सोयीसाठी आजपासून (ता. 19) सुरू करण्यात आलेल्या लिंबू सौदे लिलावाचे उद्घाटन बाजार समितीच्या भाजीपाला आवारात सभापती सोमनाथ आवताडे यांच्या हस्ते झाले. उपसभापती प्रकाश जुंदळे अध्यक्षस्थानी उपस्थित होते. लिंबू सौदे लिलाव आठवड्यातील दर सोमवार व शुक्रवार या दोन दिवशी होणार आहेत. तसेच ता. 15 जुलैपासून टोमॅटो सौदे लिलाव सुरू होणार आहेत.
त्यांच्या शेतमालाला योग्य दर मिळावा यासाठी शासन दरबारी पाठपुरावा करून ई-नाम प्रणाली अंतर्गत ऑनलाइन सौदे लिलाव सुरू करण्यात आले. यात शेतकऱ्यांच्या शेतमालाला स्थानिक व्यापाऱ्यांबरोबरच देशातील अन्य भागांतील व्यापारी ऑनलाइन बोली लावण्यात येत आहे. त्यामुळे शेतकऱ्यांच्या मालाला चांगले दर मिळू लागले आहेत. बाजार समितीला केंद्र शासनाकडील अनुदान प्राप्त होणार आहे. या अनुदान रकमेतून पुढील चार महिन्यांत धान्य चाळण उभी केली जाईल. भविष्यकाळात संचालक मंडळाने बाजार समितीत बेदाणा सौदे लिलाव व जनावरांचा बाजार भरविण्याचे नियोजन चालू केले आहे. याबरोबरच बाजार समितीचे लक्ष्मी दहिवडी व नंदेश्वर या ठिकाणी उपबाजार आवारात विविध विकासकामे करण्यात येतील.
नविन सुविधा देण्याचा प्रयत्न
संचालक मंडळ निवडून आल्यापासून भाजीपाला, अडत व्यापारी यांना अडत गाळे दिले आहेत. नवीन डाळिंब सेलहॉल, अंतर्गत रस्ते डांबरीकरण, कांदा सौदे, डाळिंब सौदे लिलाव आदी बाबी शेतकऱ्यांचे हित डोळ्यासमोर ठेवून केल्या आहेत.
- सोमनाथ आवताडे, सभापती, कृषी उत्पन्न बाजार समिती मंगळवेढा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
