सोलापूर: प्रधानमंत्री स्व-निधी योजनेअंतर्गत शहरातील पथ विक्रेत्यांसाठी दहा हजार रुपयांचे खेळते भांडवल कर्ज स्वरुपात बॅंकेच्यावतीने दिले जाणार आहे. या योजनेचा लाभ घेण्यासाठी सोलापुरातील फक्त 720 पथ विक्रेत्यांनी ऑनलाईन अर्ज केला आहे. या योजनेचा लाभ घेण्यासाठी 11 हजार 420 जण पात्र आहेत. जास्तीत जास्त पथ विक्रेत्यांनी या योजनेचा लाभ घ्यावा असे आवाहन महापालिका आयुक्त पी. शिवशंकर यांनी केले आहे.
या योजनेतून दहा पथविक्रेत्यांना आयुक्त, पी. शिवशंकर यांच्या हस्ते आज प्रातनिधीक स्वरुपात धनादेश वाटप करण्यात आले त्यावेळी ते बोलत होते. ऑनलाईन अर्ज करण्यासाठी महानगरपालिकेच्या समुदाय संघटक, मंडई विभाग कर्मचारी किंवा जवळच्या सी. एस. सी. सेंटर मध्ये जाऊन अर्ज करण्याचे आवाहन करण्यात आले आहे. यावेळी सहाय्यक आयुक्त सुनील माने यांनी प्रस्ताविक केले. जिल्हा अग्रणी बॅंकेचे अधिकारी नाशिककर म्हणाले, बॅंक मॅनेजर यांनी पाच दिवसाच्या आत पथविक्रेत्यांना कर्ज उपलब्ध करून द्यावे. त्यांच्या खात्यावर रक्कम जमा करावी. शहर अभियान व्यवस्थापक उज्वला गणेश यांनी माहिती दिली.
पथविक्रेत्यांनी ऑनलाईन अर्ज केल्यानंतर तात्काळ बॅंकेशी संपर्क साधण्याचे आवाहन चंद्रकांत मुळे यांनी केले. फेरीवाला समितीचे सदस्य करजगी म्हणाले, बॅंक अधिकाऱ्यांनी लाभार्थ्यांना कमीत कमी वेळेमध्ये कर्ज उपलब्ध करून द्यावे पथविक्रेत्यांनी त्यांचे मोबाईल आधार कार्डला लिंक करावेत. यावेळी केतन शहा, वैशाली आव्हाड यांनी मनोगत व्यक्त केले. याप्रसंगी प्रवीण सोनवणे, खाजा करजगी, राजू दिंडोरे, ऍड. हाराळेकर, रामप्रभू माने, भैरव लोंढे यांनी मनोगत व्यक्त केले. बैठकीसाठी समुदाय संघटक साईप्रसाद पोळ, वसीम शेख, जयश्री जाधव ,नागेश क्षीरसागर उपस्थित होते.
संपादनः प्रकाश सनपूरकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.