पुरंदावडेच्या गोल रिंगण सोहळ्याच्या आठवणी मनी दाटल्या.....

सुनील राऊत
शनिवार, 27 जून 2020

माऊलींच्या पालखी सोहळ्यातील पुरंदावडे येथील गोल रिंगण सर्वात मोठे व शिस्तीचे म्हणून प्रसिद्ध आहे. हे रिंगण पाहण्यासाठी देशभरातील विविध अभ्यासक दरवर्षी मोठ्या प्रमाणात उपस्थित असतात. परिसरातील लोक हजारो वारकऱ्यांना अन्नदान करतात. त्यामुळे सदाशिवनगर व पंचक्रोशीची ही एक मोठी यात्रा असते. 
कोरोनाच्या पार्श्वभूमीवर यंदा वारी रद्द झाल्यामुळे या सर्व आनंदाला मुकावे लागले आहे. 

नातेपुते(सोलापूर)ः जीव शिवांचा हा खेळ, लक्ष-लक्ष डोळ्यांनी आज पाहिले रिंगण...या शब्दात वर्णन करावे अशा भक्तीपूर्ण वातावरणात दरवर्षी पुरंदावडे(ता. माळशिरस) येथे माऊलींच्या पालखी सोहळ्यातील पहिले गोल रिंगण संपन्न होत असते. मात्र, या वर्षी गोल रिंगणाच्या या आनंदाला महाराष्ट्रातील वारकरी व भाविक लोक मुकले आहेत. 

हेही वाचाः बार्शीत युवक कॉंग्रेसने केला कोरोना योद्‌ध्यांचा सन्मान 

माऊलींच्या पालखी सोहळ्यातील पुरंदावडे येथील गोल रिंगण सर्वात मोठे व शिस्तीचे म्हणून प्रसिद्ध आहे. हे रिंगण पाहण्यासाठी देशभरातील विविध अभ्यासक दरवर्षी मोठ्या प्रमाणात उपस्थित असतात. परिसरातील लोक हजारो वारकऱ्यांना अन्नदान करतात. त्यामुळे सदाशिवनगर व पंचक्रोशीची ही एक मोठी यात्रा असते. 
कोरोनाच्या पार्श्वभूमीवर यंदा वारी रद्द झाल्यामुळे या सर्व आनंदाला मुकावे लागले आहे. 

हेही वाचाः ग्राहकांना कांदा स्वस्त अन शेतकऱ्यांना बियाणे दुप्पट भावाने विक्री 

मधोमध पालखी, भोवती पताका, गोलाकार दिंड्या असे आखीव-रेखीव रिंगण चोपदार लावतात. ध्वजधारक एक फेरी मारतात त्यानंतर स्वाराचा व माऊलींचा अश्व फेरी मारतो. त्यावेळी माऊली माऊली चा जयघोष टिपेला पोहोचलेला असतो. त्यावेळी दिंड्यांमध्ये विविध संत खेळ सुरू असतात. रिंगणानंतर दिंड्यांना चोपदार उडीचे निमंत्रण देतात. सर्व टाळकरी माऊलींच्या पालखी भोवती जमतात, बाहेरच्या बाजूला पखवाजवादक, विणेकरी, तुळशीवाल्या महिला उभ्या असतात. हजारो टाळ एका ठेक्‍यात वाजत असतात, तो नादब्रह्म ऐकून अंगावर अक्षरशः रोमांच उभे राहतात. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: people remembering gol ringan progrramme til