कॉंग्रेसच्या वतीने कृषी विधेयक मागे घेण्यासाठी स्वाक्षरी मोहिम व धरणे 

सोलापूरः शहर कॉंग्रेस कमिटी च्या वतीने राष्ट्रपिता महात्मा गांधी व माजी पंतप्रधान लालबहादुर शास्त्री यांच्या जयंतिनिमित्त, राष्ट्रपिता महात्मा गांधी यांच्या रेल्वे स्टेशन येथील पुतळ्यास महाराष्ट्र प्रदेश कॉंग्रेस कमिटी सरचिटणीस पृथ्वीराज साठे यांच्या हस्ते पुष्पहार अर्पण करुन अभिवादन केले. तसेच यावेळी केंद्रातील मोदी सरकारने शेतकरी विरोधी कृषी विधेयक मागे घ्यावे या मागणी साठी स्वाक्षरी मोहीमेचे शुभारंभ ही करण्यात आला. 

हेही वाचाः मळेगाव परिसरात मुसळधार पाऊस, शेताला आले तळ्याचे स्वरुप 

तसेच कॉंग्रेस भवन सोलापूर येथे माजी पंतप्रधान लालबहादुर शास्त्री यांच्या जयंतीनिमित्त त्यांच्या प्रतिमेस महाराष्ट्र प्रदेश कॉंग्रेस कमिटी सरचिटणीस पृथ्वीराज साठे यांच्या हस्ते पुष्पहार अर्पण करुन अभिवादन केले.यावेळी सोलापूर जिल्हा कॉंग्रेस अध्यक्ष प्रकाश पाटील, शहर कार्याध्यक्ष संजय हेमगड्डी, जिल्हा कार्याध्यक्ष सुरेश हसापुरे, माजी आमदार निर्मलाताई ठोकळ, विश्वनाथ चाकोते, नगरसेवक बाबा मिस्त्री, विनोद भोसले, अंबादास बाबा करगुळे, गणेश डोंगरे, गौरव खरात, माजी महापौर नलिनिताई चंदेले, अलकाताई राठोड, आरिफ शेख, युवराज राठोड, केशव इंगळे, भीमाशंकर ठेकाळे, तिरुपती परकीपंडला यांच्यासह इतर पदाधिकारी उपस्थित होते. 

हेही वाचाः सांगोला तालुक्‍याची नजर पैसेवारी पन्नास पैशापेक्षा अधिक 

तसे कॉंग्रेस भवनात सोलापूर शहर व जिल्हा कॉंग्रेस कमिटीच्या वतीने केंद्रातील मोदी सरकारने शेतकरी विरोधी कृषी विधेयक मागे घ्यावे या मागणीसाठी माजी केंद्रीय गृहमंत्री सुशीलकुमार शिंदे साहेब यांच्या मार्गदर्शनाखाली आज रोजी कॉंग्रेस भवन सोलापूर येथे महाराष्ट्र प्रदेश कॉंग्रेस कमिटी सरचिटणीस पृथ्वीराज साठे यांच्या नेतृत्वाखाली धरणे आंदोलन करण्यात आले. यावेळी कृषि विधेयक मागे घ्यावे अशी मागणी केली. यावेळी मोदी सरकार विरोधात जोरजोरात घोषणाबाजी करुन मोदी सरकारचा निषेध व्यक्त केला. यावेळी सोलापूर जिल्हा कॉंग्रेस अध्यक्ष प्रकाश पाटील, शहर कार्याध्यक्ष संजय हेमगड्डी, जिल्हा कार्याध्यक्ष सुरेश हसापुरे, यांच्यासह शहर व जिल्ह्यातील पदाधिकारी कार्यकर्ते शेतकरी मोठ्या संख्येने उपस्थित होते.