सोलापूर : शहरातील कोरोनाचा संसर्ग सर्वदूर पसरला असून, शहरातील रुग्णसंख्या सहा हजार 505 झाली आहे. सोलापुरातील मध्यवर्ती कारागृहातील कैद्यांची क्षमता 141 असतानाही त्याच्या तिप्पट म्हणजे 357 कैदी ठेवले आहेत. या पार्श्वभूमीवर तुरुंग प्रशासनाने नव्या कैद्यांसाठी तात्पुरते जेल उभारले आहे. त्या ठिकाणी दाखल कैद्याला 14 दिवस क्वारंटाइन करून पंधराव्या दिवशी त्याची टेस्ट करून त्याला मध्यवर्ती कारागृहात प्रवेश दिला जात आहे.
झोपडपट्ट्यांमधील कोरोना आता अपार्टमेंट, बंग्लोजमध्येही पोचला आहे. शहरातील कोरोनाचा संसर्ग कमी झाला; मात्र पूर्णपणे संपला नाही. दररोज शहरात सरासरी 50 रुग्ण सापडत आहेत. शहरातील चोरी, घरफोडी, मटका, खून, हाणामारी अशा गुन्ह्यांमुळे तुरुंगात दाखल होणाऱ्या कैद्यांचे प्रमाणही खूप आहे. त्यामुळे तुरुंग अधीक्षक दिगंबर इगवे यांनी जिल्हाधिकारी मिलिंद शंभरकर यांच्या माध्यमातून नव्याने तुरुंगात दाखल होणाऱ्या कैद्यांसाठी स्वतंत्र सोय केली आहे. तत्पूर्वी, मध्यवर्ती कारागृहातील तब्बल 60 कैदी कोरोना पॉझिटिव्ह आढळले होते. या पार्श्वभूमीवर तुरुंग प्रशासनाने आता सावध पवित्रा घेतला आहे. तरीही काल तात्पुरत्या जेलमधील दोन कैदी पॉझिटिव्ह आल्याने त्या ठिकाणच्या उर्वरित कैद्यांची ऍन्टीजेन टेस्ट करण्याचे नियोजन असल्याचे तुरुंग प्रशासनाकडून सांगण्यात आले.
ठळक बाबी...
तुरुंगात नव्याने दाखल होणाऱ्या कैद्यांसाठी जिल्हाधिकारी मिलिंद शंभरकर यांच्या आदेशानुसार तात्पुरते कारागृह सुरू करण्यात आले आहे. कोरोनाच्या पार्श्वभूमीवर त्यांना सुरवातीला 14 दिवस ठेवून त्यानंतर कोरोना टेस्ट केली जाते, असे सोलापूर मध्यवर्ती कारागृहाचे तुरुंग अधीक्षक दिगंबर इगवे यांनी सांगितले.
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
