सोलापूर : दुष्काळ, महापुरासह अन्य नैसर्गिक आपत्तीतून बाहेर पडत असतानाच आता बळीराजाच्या मुलांना ऑक्टोबरमध्ये परीक्षा शुल्क वाढीला सामोरे जावे लागणार आहे. पुण्यश्लोक अहिल्यादेवी होळकर सोलापूर विद्यापीठाने 10 टक्के शुल्क वाढीचा निर्णय घेतला असून त्यावर 25 फेब्रुवारीला होणाऱ्या बैठकी शिक्कामोर्तब होणार आहे.
हेही नक्की वाचा : वडिलानेच दिली मुलाच्या खूनाची सुपारी
सर्वाधिक साखर कारखान्याचा जिल्हा, शेती हा प्रमुख व्यवसाय असलेल्या सोलापूर जिल्ह्यातील बळीराजाला विविध अडचणींचा सामना करावा लागत आहे. कुटुंबाच्या उदरनिर्वाहाचा प्रश्न गंभीर बनल्याने मुलांच्या शिक्षणाचा खर्च करणे कठीण झाले आहे. त्यामुळे विद्यार्थ्यांना शिक्षण घेत असतानाच रोजगाराचा शोध घ्यावा लागत आहे. अशा परिस्थितीत विद्यार्थ्यांना ऑक्टोबरमध्ये परीक्षा वाढीला सामोरे जावे लागणार आहे. मागील दोन वर्षात परीक्षा शुल्कात वाढ केली नसल्याने आता परीक्षा शुल्क वाढविले जाणार आहे. दरम्यान, परीक्षा शुल्कात दोन वर्षे वाढ करु नये, अशी मागणी युवा सेनेचे शहराध्यक्ष विठ्ठल वानकर यांनी केली असून ते कुलगुरु डॉ. मृणालिनी फडणवीस यांना निवेदन देणार आहेत.
हेही नक्की वाचा : डॉ. राजेंद्र भोसले झाले पुण्याचे अतिरिक्त आयुक्त
ऑक्टोबरमध्ये होणार शुल्कवाढ
दरवर्षी परीक्षा शुल्कात 10 टक्के वाढ करावी असा ठराव विद्यापीठाने केला आहे. 2020 मध्ये त्याचे पुनरावलोकन होणार आहे. दरम्यान, मार्चमध्ये होणाऱ्या परीक्षेत कोणतीही शुल्क वाढ केली जाणार नाही. परंतु, ऑक्टोबरमध्ये होणाऱ्या परीक्षा शुल्कात वाढ करावी असा प्रस्ताव आहे.
- श्रेणिक शहा, परीक्षा नियंत्रक, सोलापूर विद्यापीठ
हेही नक्की वाचा : महापरीक्षा पोर्टल बंद !
ठळक बाबी...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
