आमदार प्रणितींना वंचितकडून इशारा ! जाहीर माफी मागा अन्यथा आंदोलन 

praniti-shinde
praniti-shinde

सोलापूर : सुधारित भारतीय नागरिकत्व कायदा, मागासवर्गीयांच्या आरक्षणावर देशभर आंदोलने होत असताना डॉ. बाबासाहेबांचे रक्‍त कुठे आहे, असा सवाल आमदार प्रणिती शिंदे यांनी जाहीर भाषणातून केला. आमदार शिंदे यांच्या या वक्‍तव्याचा निषेध करीत वंचित बहूजन आघाडीच्या कार्यकर्त्यांनी चार हुतात्मा पुतळा परिसरात जोडे मारो आंदोलन केले. 


केंद्र सरकारने केलेला कायदा देशातील मुस्लिमांसह मागासवर्गीयांसाठी अन्यायकारक असल्याबद्दल वंचित बहूजन आघाडीचे प्रमुख ऍड. प्रकाश आंबेडकर यांनी सर्वप्रथम आंदोलन केले. दलित, मुस्लीम बांधवांवरील अन्यायाविरुध्द त्यांनी सातत्याने आवाज उठविला. परंतु, कॉंग्रेसच्या माध्यमातून दलित व मुस्लिमांच्या मतांवर खासदार, आमदार झालेल्या शिंदे कुटुंबियांना दलित व मुस्लिमांवरील अन्याय कधी दिसलाच नाही. 2002 मध्ये सोलापुरात हिंदू- मुस्लीम दंगल झाली, खैरलांजी प्रकरणी सोलापूर बंद होते, मॉब लिंचिंगचे अनेक हल्ले झाले, भीमा- कोरेगाव दंगल झाली, तरीही शिंदे कुटुंबियांनी त्यावर भाष्य केले नाही. त्यामुळे आमदार प्रणिती शिंदे यांना ऍड. आंबेडकरांबद्दल बोलण्याचा काही अधिकार नसल्याचे वंचित बहूजन आघाडीचे प्रदेश प्रवक्‍ता आनंद चंदनशिवे यांनी पत्रकार परिषदेत स्पष्ट केले. आमदार शिंदे यांनी ऍड. आंबेडकरांची जाहीर माफी मागावी, अन्यथा डॉ. बाबासाहेबांचे रक्‍त त्यांच्या विरोधात रस्त्यावर उतरेल, असा इशाराही त्यांनी दिला. या पत्रकार परिषदेस नगरसेवक गणेश पुजारी, नगरसेविका ज्योती बमगोंडे, वंचित बहूजन महिला आघाडीच्या शहराध्यक्षा रेश्‍मा मुल्ला, अंजना गायकवाड आदी उपस्थित होते. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com