सरकार पडेल तेव्हाच पर्यायी सक्षम सरकार देऊ ः देवेंद्र फडणवीस

सोलापूर ः अनैसर्गिक आघाडीने तयार झालेले राज्य सरकारचे नाकर्तेपण लपवण्यासाठी संजय राऊत यांना आता भाजपच्या विरोधात अग्रलेख लिहिण्याशिवाय दुसरा पर्याय राहिला नाही. राज्य सरकार पडण्याचा मुहुर्ताची वाट पाहत नाही. जेव्हा सरकार पडेल तेव्हा पर्यायी सक्षम सरकार देण्याची भूमिका घेऊ असे मत माजी मुख्यमंत्री तथा विरोधी पक्ष नेते देवेंद्र फडणवीस यांनी लगावला. 

हेही वाचाः अधिकाऱ्यांचा तालुका म्हणुन ओळख असलेला माढा आता होणार फुलांचे गाव 

येथील हेरिटेज लॉन्स सभाग्रहात त्यांची पत्रकार परिषद झाली 

हेही वाचाः वीरशैव लिंगायतचा रविवारी राज्यस्तरीय वधूवर परिचय मेळावा 

ते पुढे म्हणाले की, राज्य सरकार हे असंगाशी संग म्हणजे नैसर्गिक आघाडीने तयार झाले आहे. अशा परिस्थितीत जागृत विरोधी पक्ष म्हणून आम्ही काम करत आहोत. सरकार पडण्याचा कोणता मुहूर्त आहे याची वाट आहे पाहत नाही. आम्ही आमचे काम करत आहोत. सरकार जेव्हा पडेल तेव्हा उत्तम पर्यायी सरकार देण्याची भूमिका आम्ही बजावणार आहोत. 
महावितरणसह तीन वीज कंपन्याच्या सरकारने केवळ पाच वर्षे चौकशी न करता वीस वर्षाची चौकशी करावी. कारण सर्वात कमी दराने वीज खरेदी आमचे सरकारच्या काळात झाली आहे. सर्वात चांगल्या पद्धतीने महावितरणची सेवा लोकांना आम्ही उपलब्ध करून दिली होती. 
ईडी चौकशी संदर्भात संबंधित यंत्रणा तक्रारीच्या आधारावर काम करते. ज्यांनी कोणी चूक केली नाही त्यांनी ईडीला घाबरण्याचे कारण नसते. 
ज्येष्ठ नेते शरद पवार यांच्याबद्दल आम्ही कायम आदर ठेवत असतो. शरद पवार व पंतप्रधान नरेंद्र मोदी हे ज्येष्ठ नेते आहेत. त्याबाबत चंद्रकांत पाटलांनी देखील पत्रकार परिषदेमध्ये खुलासा केला आहे. 
संजय राऊत यांना राज्य सरकार मध्ये कोणते स्थान दिले नाही. त्यामुळे त्यांना भाजपचे विरोधात अग्रलेख लिहिण्याशिवाय पर्याय राहिला नाही. राज्य सरकारचे नाकर्तेपण लपवण्यासाठी अग्रलेख लिहण्याशिवाय त्यांना पर्यायच शिल्लक राहिला नाही असा टोलाही त्यांनी लगावला. यावेळी त्यांच्यासमवेत महापौर श्रीकांचना यन्नम, खासदार डॉ. महासिद्धेश्वर स्वामी, खासदार रणजीतसिंह निंबाळकर, आमदार विजय देशमुख, आमदार सुभाष देशमुख यांच्यासह अनेक नेते मंडळी उपस्थित होती.