मानमोडीजवळ अज्ञात वाहनाची दुचाकीला जोरदार धडक; अपघातात कुपवाडचे दोघे ठार

कुपवाड : मानमोडी (ता. मिरज) हद्दीतील तासगाव - मिरज(tasgaon-miraj road) रस्त्यावरील स्वयंभू गणपती मंदिराच्या समोर अज्ञात वाहनाने जोराची धडक दिल्याने सचिन शामराव कांबळे (वय ३३, रा. हनुमानगर कुपवाड) दुचाकीस्वार जागीच ठार झाला, तर अपघातातील दुसरे जखमी सोनीत शांतीनाथ सिद्धनाळे (वय ३५ रा. राणाप्रताप चौक, कुपवाड) यांचा सांगली येथील शासकीय रुग्णालयात उपचार सुरू असताना बुधवारी रात्री मृत्यू झाला. या घटनेची नोंद कुपवाड औद्योगिक पोलिसात झाली आहे.(accident news in kupwad)

पोलिसांनी दिलेली माहिती अशी की, मयत सचिन कांबळे व त्याचा मित्र सोनीत सिद्धनाळे हे दोघेजण बुधवारी सायंकाळी दुचाकीवरुन (वाहन क्रमांक एमएच १० वाय ४८७१) तासगाव - मिरज रस्त्यावरून कुपवाडच्या दिशेने येत होते. मानमोडी नजिकच्या स्वयंभू गणपती मंदिरासमोर येताच भरधाव वेगात आलेल्या अज्ञात वाहनाने दुचाकीस धडक दिली. धडकेत दोघेही रस्त्यावर पडले. अपघातात सचिन कांबळे याचा जागीच मृत्यू झाला. जखमी सोनीत

सिध्दनाळे यांना उपचारासाठी सांगलीतील शासकीय रुग्णालयात(sangli hospital) दाखल करण्यात आले. उपचार सुरू असतानाच बुधवारी मध्यरात्री त्याचा मृत्यू (death)झाला. घटनेची नोंद कुपवाड पोलिसात (police)झाली आहे.