'साहेब, 20 वर्षे काम करतेय; आता तरी पगार सुरु करा'; शिक्षिकेची विनवणी

कामेरी : अनुदानित कनिष्ठ महाविद्यालयात (senior college)वीसहून अधिक काळ बिनपगारी काम करणाऱ्या व दोन वर्षांत निवृत्त होणाऱ्या पन्नासहून अधिक शिक्षक (teachers) आहेत. एका शिक्षिकेने मुख्यमंत्र्यांना (CM maharashtra)‘साहेब, मी वीस वर्षे बिनपगारी काम करत आहे. माझी विवाहित मुलगी माझ्या संसाराला हातभार लावते. सन २०२३ मध्ये मी निवृत्त होतेय. आता तरी पगार सुरु करा, अशी विनवणी केली आहे.

सध्या ज्ञानदानाचे काम करणाऱ्या व निवृत्तीला (retire teachers) आलेल्या अनुदानित कनिष्ठ महाविद्यालयात २००२ पासून ते २०१९ पर्यंत बिनपगारी प्रस्तावित, वाढीव पदावर काम करणाऱ्या पन्नासहून अधिक शिक्षक-शिक्षिकाची आहे. राज्यात १२९३ पदांवर असे शिक्षक होते. त्यातील काही वाढीव पदांना पद मान्यता मिळालेली नाही, तर काहींना रोष्टर, जाहिरात नसल्याने पगारास (salary) मंजुरी मिळाली नाही. काही नोकरी सोडून गेले. काही निवृत्त झालेत. यातील ६२० पदे शिल्लक आहेत. त्यातील ५० हून अधिक जण दोन-तीन वर्षात निवृत्त होत आहेत.

अधिवेशनात या सर्व पदाची माहिती शासनाने राज्यातील सर्व विभागीय मंडळांना संचालक कार्यालयात एकत्रित करून ती अधिवेशनात सादर करण्याबाबत सूचित केले होते. काही विभागाच्या हलगर्जीपणामुळे ही माहिती वेळेत सादर झाली नाही. ती अधिवेशनात सादर होऊ शकली नाही. त्यामुळे प्रश्न पुन्हा प्रलंबितच राहिला.

"शासनाने कोरोना काळात सर्वांना सहकार्य केले. आता तरी न्याय द्या."

- शिवाजी अंगज, वाढीव पद संघटनेचे पदाधिकारी