सांगली - खटाव (ता. मिरज) येथील ग्रामपंचायत अधिकारी संजय कुमार गायकवाड यांनी ग्रामपंचायतच्या कामात अनियमितता केली असल्याचे चौकशी अहवालात स्पष्ट नमूद केले आहे. तरीही त्यांच्यावर कारवाई केली जात नसल्याच्या निषेधार्थ आज परशराम बनसोडे यांनी मुख्य कार्यकारी अधिकाऱ्यांच्या दालनाबाहेर आत्मदहन करण्याचा प्रयत्न केला. या प्रकाराने जिल्हा परिषदेत गोंधळ उडाला. विश्रामबाग पोलिसांनी तातडीने बनसोडे यांना ताब्यात घेतले.