Eknath Shinde : 'मुख्यमंत्री एकनाथ शिंदेंना प्रवेशबंदी करा'; मराठी भाषक, म. ए. समिती आक्रमक, काय आहे कारण?

बेळगाव : भाजप उमेदवार प्रचारार्थ सभेला महाराष्ट्राचे मुख्यमंत्री एकनाथ शिंदे (Eknath Shinde) आज गुरुवारी (ता. २) बेळगाव व खानापूरला येणार आहेत. त्यांच्या या सभेला सोशल मीडियावर विरोध सुरु आहे. महाराष्ट्र एकीकरण समितीने आंदोलनाची तयारी सुरु केली आहे. काहींनी म.ए. समितीच्या मेळाव्याला महाराष्ट्रातून नेते येणार असल्याचे कळताच प्रवेश बंदी घातली जाते. १४४ कलम जारी केले जाते.

प्रशासनाने निर्बंध जारी करून एकनाथ शिंदे यांना रोखावे, अशी मागणी केली आहे. भाजप उमेदवार जगदीश शेट्टर (BJP candidate Jagadish Shettar) यांच्या प्रचारार्थ २ एप्रिलला मुख्यमंत्री शिंदे यांची बाळेकुंद्रीत सभा होत आहे. तर कारवार उमेदवार विश्‍वेश्‍वरय्या कागेरी-हेगडे यांच्या प्रचारार्थ खानापूर येथे सभा होणार आहे. भाजप आणि कॉंग्रेस उमेदवार विरोधात महाराष्ट्र एकीकरण समितीने लढे दिले आहेत.

मात्र, काही वर्षात महाराष्ट्र एकीकरण समितीतील (Maharashtra Ekikaran Samiti) बेकी व महाराष्ट्रातील नेत्यांकडून सीमाभागात येऊन म.ए.समिती उमेदवार विरोधात प्रचार केल्यामुळे त्याचा परिणाम झाला आहे. मात्र, या निवडणुकीत मुख्यमंत्री शिंदे सभा घेणार आहे. सीमालढ्यासाठी योगदान दिलेले व कारागृहात जाऊन आलेले महाराष्ट्राचे मुख्यमंत्री शिंदे यांनी भाजप उमेदवार यांच्या प्रचारार्थ सभा घेऊ नये, अशी मागणी आहे.

सोशल मिडियावरूनही विरोध सुरु आहे. तरुणांनी महाराष्ट्र नेत्यांना इतरवेळी प्रवेश बंदी घातली जाते. यामुळे २ मे रोजी शिंदे यांच्यावर प्रवेश बंदी घालावी. महाराष्ट्र व कर्नाटक सीमेवर त्यांना रोखावेअशी मागणी केली आहे. दरम्यान, एकनाथ शिंदे यांना सीमाभागात विरोध सुरु झाल्यामुळे पोलिस सतर्क झाले आहेत. समितीकडून आंदोलन आणि स्वरुप याचा कानोसा घेण्यास सुरु केला आहे.

म. ए. समितीविरुद्ध मुख्यमंत्री शिंदेंचा प्रचार

महाराष्ट्र एकीकरण समितीचे उमेदवार महादेव पाटील बेळगाव लोकसभा आणि निरंजनसिंह सरदेसाई कारवार मतदार संघातून निवडणूक लढवीत आहेत. मराठी भाषा, संस्कृती टिकविण्यासह सीमाप्रश्‍न लढ्यासाठी निवडणूक लढवीत आहेत. मात्र, म. ए. समिती उमेदवार विरोधात लढणाऱ्या भाजप उमेदवारांच्या प्रचारासाठी मुख्यमंत्री एकनाथ शिंदे बेळगाव दौऱ्यावर येत असल्यामुळे विरोध सुरू आहे. म.ए. समिती उमेदवारांच्या प्रचारार्थ सभेला उपस्थित राहण्याचे आवाहन केले आहे.